Caabuqa Ku Dhaca Mindhicirada Iyo Duburta (Ulcerative Colitis).
Ulcerative
colitis: macno ahaan xanuunkani waa caabuq ku dhaca mindhicirada, kaas
oo ku soo ifbaxa wakhti dheer. Xanuunkani wax uu ku dhacaa mindhicirada
weyn(large intestine). Waana meel lagu ururiyo hadhaaga dheefshiidka,
ugu danbayntana biyaha laga ga saaro. Rectum-kuna waa qaaybta
xidhiidhisa duburta iyo mindhicirada weyn. Sidaas oo ay tahay qofka ka
cabaanaya xanuunkan ulcerative colitis, waxa uu dareemaa calool xanuun,
shuban iyo duburta oo dhiigta. Iyada oo ay ku xidhantahay kolba heerka
uu taaganyahay xanuunku, iyo sida uu ku yahay qofka. Intabadana
xanuunkani waxa uu ku koobanyahay rectum-ka oo la jaar ah duburta.
Maxaa keena?
Aad looma yaqaano waxa saxda ah ee keena xanuunkan, laakiin xeel-dheerayaasha caafimadku waxay aaminsanyihiin in habka difaaca jidhku kaalin weyn ka qaato inuu xanuunkani yimaado. Taas oo imaanaysa marka jidhku uu hawlgeliyo unugyadiisa difaaca inuu isaga is duqeeyo. Waxaana la'aaminsayhay in xanuunkani yahay mid la kale dhaxlo oo ku yimaada hidda=sidayasha ka soo gudba hooyada iyo aabaha.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!