Mukhtaar Cilmaw Xaqiiq-dda Ha Ka War-Wareegin Q.3aad ( Abdi-Shotaly).
N.B Waran Kugu Soo Noqon Doona Lama Rideeyo!!
Waxan odhan lahaa ninka la yidhaaho Mukhtaar Cilmi, waxa kuu
wanaagsan in aad iska badheedho, oo cadaysato in aad ka soo hor jeedo
somaliland la wadda leeyahay, taas oo ku salaysan sinaan iyo wax wadda
lahaansho loo siman yahay, xoriyatul-qawl aan la cabudhin, cadaalad,
halka aad taageero qaawan, weliba beelaysan oo aan geed-na loogu soo
gaban iyo been ku dhis aan sal ku fadhiyin, raadna aan lahayn aad daba
ordayso abuuris-teedda, ee doonaysid in aad garab ku siiso askariga "
Raggii ma adigaa ka hadhay" Iyo maamul ku sheegiisa keliggii taliyanimo.
Wax-ba kuu tari-mayso mar-marsiiyaha madhani, kaas oo aad is leedahay
Musharaxa Cabdiraxmaan Ciiro iyo Halyey-ga/Gudoomiye Xirsi Xaaji Cali,
oo ceeb aan jirin Iskaga hor keen "Xusbiga Waddani ee Xalaasha daba
go'an ah" Taas-na ummadda haatan sidda cadceedaas ugu cadahay in aanay
wax-ba ka jirin. Hore baa loo yidhi " Ruuxii agnaan ahi hadalka wuu
gagabi-yaaye" Dhabta jirta ka hadal, siddii hal cadho qabta kolba geed
ha ku xoqone, oo banaanka is keen, inta aad ka soo baxdo reer hebel ku
dhuumashadda uu dhabarku qaawan yahay, misna aad daacad iska dhigayso.
Ma jirto ummadan wax u kala qarsooni, ee wax-ba haku soo hulaaban shaadh
qaranimo, adiga oo qoysnimo ku taageeraaya iyo gobolaysi askariga "
Xaafad-tooyadda" W
ax aan kaa soconayna ha iska dhaadhicin in ay ummadu kaa
dhegaysa-nayso, waayo gunta baa la soo xaadhay dhukhul-kiina, kaas oo
wax idiinka hooseeyaa aanu jirin. si wacan baa hor illaahay la idiin
kashifay. Ninkan sheeganaaya magaca " Mukhtaar cilmaw" Waxad tahay kii
ay Soomaalidu tidhi " Tuug-Tuug Ma Sheego" Wax aad dedey-saana waa
arinka ay fasilayso maah-maah-dani, Wax-se aad qarin karto baaba iska
yar, way-se og-yihiin ummadda reer Somaliland, oo way idinka
shisheeyaan, wax aad si kale ugu sharixi kartaana maaha, ee waa waadix
aan qof-na dafiri karin, ee ku biyo cab, inta aad meel kale
war-waree-gaysid aan kaa soconayn. Ummadu maaha siddii hore, ee way soo
jeedaa hadda, loomana khaldi karo siddii hore. ee wax kale ma haysaan
taas la ogaaye.
Waxad tidhi ama ku soo qortey Hadhwanaag, Xusbiga Waddani lacag
ma haysto, oo qurba-jooggii wax u ururin jirey way ka jareen, maamulka
askari-guna hadeer wuu ku suququlay wixii yaraa ee uu u tuuri jirey.
Arinka cayn-kaas ah ee aad war-baahinta ku soo tuurtey, hadaba waxa
Murtiyi ay ahayd "Waran kugu soo noqon doona lama rideeyo" Horta aan is
weydiino'e, wax ka jiraan waxa aad afka la kala qaaday ee aad soo
der-dertey? Jawaabtu waxa weeye "Maya ee wax-ba kama jiraan" Xusbiga
Waddani way u hagar la'yihiin taageera-yaashiisa, uu ku leeyahay
dhamaan-tood inta qurbaha ku nooli, meel ay caalamka ka joogaan-ba,
iya-kaana bixiya kharashka ku baxa 75%, Ogaw oo 25% soo hadhay waxa
bixiya taageera-yaasha dalka ku nool. waana ta uu ku helay 44%
doorashaddii uu askarigu sidaas u boobay, ee uu misna kaga guulaystay "
qudhmiye" Doorashooyinkii is-barkanaa ee ahaa tii deegaanka iyo Golaha
wakiiladda, ee uu hadh cad kaga socod-siiyey Shir'gudoonkii wakiiladda,
waa ta hadeer uu ku qabanayao khrashka ku baxaaya Shirka golaha dhexe ee
dhawrka milayan ee doolar ah, ma jiro hal doolar oo uu bixiyey maamulka
askariga Jiho-wareersani, Isaga oo uu distoorku qoraayo in uu bixiyo
ama siiyo kolba maamulka dhisani kharashaka Xusbiyadda ee Shirarka
Golaha dhexe, kirooyinka Xafiisyadda iyo xaruma-hoodda. sidaas oo ay
tahay baanay isticmaalin Waddani, shilin hantidda ummadda ah, laashuuna
aanay ku bixin, hebel kala soo baxa xusbi kale, isku dir la iska hor
keeno beelaha iyo is nacsiinta ummadda reer somaliland. Oday waxan ku
leeyahay, kaa meel mari mayso adiga iyo maamulka askariga-ba'e, haddii
afka laguu soo qooyey, xaaraan iyo been baad ku talax tagtaye dib u
fadhiiso, oo u kaalay xaqiiq-dda lama dhaafaanka ah. inta aad khiyaaliga
iyo Ila-meeraysadda ku war-wareegayso. Xusbiga wadani waa ka nadiif
hanti ummadeed oo uu lunsado, musuq-maasaq, qaraabo kiil, keliggii
talisnimo, boob lagu qaato baloodho ay dan yar leedahay iyo wixii la mid
ah.
Ku soo noqo, oo xusbi ku sheega aad ku faanaysaa lacagta uu uu ku
ciyaaraayo ee lagu magacaabo " Qudhmiye" Ma is-weydiisay halkuu ka keeno
kharasha uu dalka ku baabi'iyey? Ma taageera-yaal baa soo ururiyey? Ma
cirkaa sidda roobka Rabbi uga soo ridey daabu-looyin doolar ah? Mise
askariga baa shaqaystay? Ma aabihii buu ka dhaxlay" Isaga oo cumaamad
yar madaxa ku duuban, kaba la' buu soo galaye, maantana in ka badan 100
fillo oo guri buu Hargeysa ku leeyahay (Inta la og-yahay oo keliya)
iska daa qoys-kiisa qudha oo ay tiro beeshaye. Beertii uu Cismaan Dacas
ka qaaday 3 riig oo biyo ah baa ku samaysan, 300 oo halaad baa iyana uu
ku xataystay dhul uu ummad ka qaaday, oo 3 riig oo kale ay waraabiyaan,
halka ay Caasimadu ka biyo la'dahay. badh-na ay khudradi uga baxdo,
Xisaab aan la soo koobi karin oo uu qoys-kiisa siiyey (Sidda
inamadiisa), Ninka inan-tiisa Faadumo qaba, heego-ba, xataa Xisaab-taas
aan soo dul maray kuma jiraan ee "Xagee buu ka keenay?" Marka aad intaas
ka timaado, xoolaha lagu maamulo laguna raqaayo Xubiga boobka loo
samaystay ee " Qudhmiye" Ma xoolo uu leeyahay baa? Lacagata aad ku
faanayso ee aad leedahay wuu haystaa is-waydiiyoo halkay ka soo gashay?
Saw Hantiddii ummadda maaha, ee uu jeeb walba markuu buux-saday, siduu
doono ugu takri falay, kaas oo uu u adeeg-sado, siduu ugu isticmaali
lahaa kala dilka muwaadi-niinta, Lacagta aad leedahay wuu haystaa
askariga " Raggii ma adigaa ka hadhay" Saw taas aan isla garanayno
maaha, ma meel kale bay ka timi, waar afka laydha u dhig ha noo
sheegine
.
* N.B Waran Kugu Soo Noqon Doona Lama Rideeyo!!
Qore:- Abdi-Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...