Turkiga ayaa lagu soo waramayaa inuu ka fiirsanayo tallaabo milatari oo ka dhan ah kooxda Kurdiyiinta Siiriya ee YPG haddii wadahadallada diblomaasiyadeed ee Mareykanka iyo Ruushka ay guuldareystaan.

"Haddii aysan jirin natiijo ka timid diblomaasiyadda oo PYD aysan ka bixin goobahan, duulaan ayaa u muuqda mid aan laga fursan karin,” ilo sare oo ka socda Turkiga ayaa u sheegay Reuters, iyagoo adeegsanaya ereyo kale oo la soo gaabiyey oo ah laanta siyaasadeed ee YPG.

"Waa lama huraan in aagagga, gaar ahaan gobolka Tel Rifaat ee ay sida joogtada ah weerarada uga soo qaadaan, in la nadiifiyo,” sarkaal ayaa u sheegay Reuters.

"Go’aanka arrintan waa la qaatay isuduwidda lagama maarmaanka ahna waxaa lala sameyn doonaa dalal gaar ah. Mawduucan waxaa lagal hadli doona Ruushka iyo Mareykanka. ”

Weerarka gantaalaha ee YPG ayaa lagu dilay laba ka mid ah saraakiisha booliiska Turkiga Axaddii, sida ay sheegtay Wasaaradda Arrimaha Gudaha ee Turkiga, taasoo ka cadheysiisay Ankara.

Madaxweyne Tayyib Erdogan ayaa Isniintii ku tilmaamay dhacdada "cawskii ugu dambeeyay,” sida ay qortay Reuters.

"Waxaa naga go’an inaan meesha ka saarno hanjabaadaha halkaan ka imanaya ama xoogagga firfircoon ee halkaas jooga ama naloo soo adeegsanayo.”

Mareykanka ayaa u arka YPG inay tahay lamaane muhiim u ah gobolka si looga hortago kooxda dowladda Islaamiga ah ee Suuriya.

Sidaas darteed, Erdogan ayaa la filayaa inuu walaaca kooxda ku saabsan la qaado madaxweynaha Mareykanka Joe Biden kulanka G20 ee soo socda.

Hoggaamiyaha Turkiga ayaa markaa arrinta kala hadli doona Madaxweynaha Ruushka Vladimir Putin.