Militariga Nigeria ayaa Khamiistii sheegay in Abu Muscab al-Barnawi, oo ah hoggaamiyaha koox xagjir ah oo xidhiidh la leh Dawladda Islaamka oo lagu eedeeyay inuu boqolaal ku dilay waqooyi bari africa la dilay. Mase jiro wax xaqiijin ah oo ka soo baxay xagjiriinta.

General Lucky Irabor, oo ah Madaxa Difaaca Nigeria, ayaa u sheegay suxufiyiinta in Al-Barnawi "uu dhintay,” isagoo aan faahfaahin ka bixin duruufaha keenay geeridiisa.

Suuragal ma ahayn in si madaxbanaan loo xaqiijiyo sheegashada, milatariguna ma bixin faahfaahin dheeraad ah oo ku saabsan sida ay ku ogaadeen in la dilay.

Al-Barnawi aabihiis, Maxamed Yuusuf, wuxuu ahaa hoggaamiyaha aasaasay Boko Haram, oo ah kooxda xagjirka ah ee Islaamiga ah oo in ka badan toban sano hadda waday kacdoon.

Rabshadaha ayaa ku fiday dalalka deriska la ah Niger, Cameroon iyo Chad sidoo kale, waxay xasilooni darro ka abuurtay gobolka harada Chad.

Al-Barnawi ayaa marar badan isku sheegay ninkii beddelay aabbihiis, Abubakar Shekau, wuxuu na kala tagay sannadkii 2016-kii qayb si uu u sameeyo Dawladda Islaamiga ah ee Gobolka Galbeedka Afrika ama ISWAP.

Walaaca ayaa ku soo kordhay ISWAP sannadihii la soo dhaafay gaar ahaan markii ay kooxdu bilowday inay beegsato dadka rayidka ah ee u shaqeeya hay’adaha gargaarka caalamiga ah ee waqooyi bari ka hawl-gala.

Garabka uu hoggaamiyo Shekau ayaa u muuqday kuwo daciif ah waxaana bishii May la shaaciyey in la dilay markii ay isku dhaceen dagaalyahanno xidhiidh la leh Al-Barnawi.

Falanqeeyayaasha amniga ayaa sheegaya in Al-Barnawi, si kastaba ha ahaatee, uu ku guuldareystay inuu kasbado kumanaan ka tirsan Boko Haram oo daacad u ahaa Shekau oo badidood isku dhiibay milateriga Nigeria.

Si ka duwan Boko Xaraam, inta badan waxay si xoog leh u bartilmaameedsadeen dadka rayidka ah, ISWAP oo ka hoosaysa al-Barnawi waxay beegsatay milateriga Nigeria iyo kuwa caawiyay askarta.

Taliye, Irabor wuxuu intaas ku daray in amni-darrada iyo hanjabaadaha kale aysan ku koobnayn xuduuda gaar ahaan waqooyiga dalka wuxuuna sheegay in dowladda Nigeria ay si dhow ula shaqeyso waddamada dariska ah si loola dagaallamo argagixisada iyo noocyada kale ee dambiilayaasha ah.

"Haddii wax waliba ay ku fiican yihiin gurigeenna oo aysan la hagaagin deriskeenu, markaa, dabcan, ma heli karno nabad” ayuu raaciyay.

Colaadda Nigeria ayaa si toos ah u sababtay dhimashada 36,000 oo qof, sida ay sheegtay Qaramada Midoobay, iyadoo in ka badan 2.3 milyan oo qof ay barokaceen.