BISMILAAHI ALRAXMAAN ALRAXIIM [A.S.C.W.R.W.B]

TU KHAAS AHNA BAHDA H/W IYO AKHRISTAYAHEDA.

1-Arladeenan waxa rogay,Afhayeeno tiro badan,

   Odayaashi dhaqanko,Inyar mooye ka anbaday,

   Arimahay lahaayeen,Eedayniyo wax sheeguun,

   Arroor walba la toosoo,Miidiyahu ugaadhsado.

2-Aynigay yahiiniyo,Afkooda waxa ka soo baxa,

   Aflagaadadiyo cayda,Ereyaday yidhaahdaan,

   Ummadeena badankeed,Aad bay ula yaabaan,

   Inina way u orisaayoo,Uurkay ka jecelyahiin.

3-Awrba awrka hore arag,Adin sidu u qaadee,

   Geelanuu abeerkiyo,Irmaankiba durduriyeen,

   Aarankuna maxuu fali,Miyay oodu celin kari,

   Ururadi umulay shalay,Ubada bay dhalen siya.

4-Aqalkii wakiilada,Ugaybkaad doorkan xulateen,

    Ifafalahoda arada dooda,Bulsho may la aragta ,

    Mise waa anoo qudha,Anfariirkan yaabka lehi,

    Oohow ma tidhaahdaan,Awrti dabarki goostee.