Ex. Wasiir Xasan Gadhwayne Oo Ku Geeriyooday Hargaysa
TACSI
Wasiirka wasaaradda waxbarashada iyo Sayniska Jsl Axmed Maxamed Diiriye, wasiir kuxigeenka WW&S Dr.Cabdixakiim Siciid Muuse (Bustaale), Agaasimaha guud ee WW&S C/risaaq Jaamac Nuur Naakhuude,Gudoomiyayaasha gobolada Dalka,Agaasime waaxeedyada iyo dhammaan shaqaale weynaha wasaaradda waxbarashada iyo sayniska JSL waxay ka tacsiyadaynayaan qaranka Jamhuuriyadda Somaliland, qoyskii, asxaabtii uu ka baxay wasiirkii hore ee WW&S Marxuum Xasan X. Maxamuud Warsame (Xasan Gadhweyne) oo maanta ku geeriyooday magaalada Hargaysa.
Waxa Masuuliyiinta Waxbarashadu ay ku sifeeyeen Marxuumka inuu Doormihiim ah kasoo Qaatay Horumarimta Waxbarashada Somaliland gaar ahaana Dhismihii Goobaha waxbarashada Miyi iyo Magaalaba Iyo Hanaqaadkii waxbarashada Dalka Isagoo kamid ahaa Masuuliyiintii ugu Mudada dheeraa ee Xilka Wasiirnimo ee Wasaaarada waxbarashada iyo Sayniska Jamhuuriyada Somaliland.
Waxaanay illaahay uga baryayaan in uu Janno Fardowsa ka waraabiyo marxuumka, guud ahaana samir iyo iimaan saadiqa ah inaga wada siiyo geeridaa naxdinta leh ee ku timi Marxuum Xasan X. Maxamuud Warsame (Gadhweyne).