Qiimaha lagu iibsado Cocoa ayaa aad beeralayda Ivory Cosat loga dhimay, Ivory Cosat oo ah soo saaraha ugu horreeya adduunka, ayaa qiimaha laga dhigay 825 CFA francs (1.25 euro) kiiladii Cocoa ahba, arintaasina waxay dhacday furitaanka xilliga Cocoa 2021-2022, hoos u dhac gaadhay 17.5%, sida ay ku dhawaaqday Jimcihii Hay’adda sharciyeynta waxsoosaarka beeraha Ivorian.

Intii lagu jiray ololihii hore (2020-2021) oo ku beegnaa doorashadii madaxweynenimada ee 2020 ee Ivory Cosat, qiimuhu wuxuu ahaa 1,000 CFA francs (1.52 euro) halkii kiilo, "qiimahaa oo ay dhaleeceeyeen mucaaradku.

Ololaha reer Ivory Coast wuxuu bilaabmayaa ka dib markii la aasaasay dhawr bilood ka hor isbahaysi ay yeeshaan Ivory Cosat iyo Ghana, oo ah laba dal oo Galbeedka Afrika ku yaal oo qiyaastii 60% kiiba soosaara Cocoa caalamka lagu kala iibsado, isbahaysigaasi wuxuu u samaysmay sidii hay’ad loogu talagalay inay hubiso qiimaha la siin lahaa beeralayda iyo "xaqiijinta joogtaynta dhaqaalaha Cocoa kasoo baxa.

Labada dal ayaa soo bandhigay "Farqiga Dakhliga Wanaagsan” oo ah lacag dhan $ 400 halkii ton (in ka badan iyo in ka sarreysa qiimaha suuqa) si mushaar fiican loo siiyo beeraleyda, oo malaayiin ka mid ah ay faqri ku nool yihiin Galbeedka Afrika.

Dalka Ivory Cosat, wuxuu dhaqan geliyey xilli beereedkii hore, in uu awooday "ku dhawaad ​​500 bilyan oo CFA francs (762 milyan oo yuuro) in dib loogu celiyo soo-saareyaasha Cocoa,” ayuu yiri Yves Koné, agaasimaha guud ee sharciyeynta qaybta ibka, Conseil Café Cacao (CCC).

"Haddii macaashka Cocoa ee dhaqaalaheena aan hadda la soo bandhigin, waxaynaan iska indho tiri karin saamiga yar ee ku dhacaya jeebka beeraleyda hayeeshee waxaa lagu qiyaasaa 5% qiimaha adduunka in lagu daray Cocoa,” ayuu yiri Koné.

Beeraleyda waddamada kuleylaha ah waa ilma-adeerta saboolka ah, waxay helaan kaliya 6% $ 100 bilyan oo ah suuqa Cocoa iyo shukulaatada sanadlaha ah, kaas oo ay xidheen wershedaha waaweyni.

Dalka Ivory Cosat, in ka badan kala badh beeraleyda ayaa ku nool meel ka hoosaysa saboolnimada, sida lagu sheegay daraasad uu sameeyay Bangiga Adduunku. Xaaladdu waa mid la mid ah Ghana, halkaas oo ilaa 800,000 oo qoys ay ku dulmanyihiin soo saarida dahabka buniga ah.

Cocoa waxaa istiraatiiji u ah Ivory Cosat waxay u dhigantaa 10% ilaa 15% GDP, ku dhawaad ​​40% dakhliga dhoofinta waxayna nolol siisaa shan ilaa lix milyan oo qof, yacni shan meelood meel dadka, sida uu sheegay Bangiga Adduunka.

Waaxda Cocoa waa in la beddelaa si loo hubiyo mustaqbalka beeraleeyda si loo hubiyo "doorka Cocoa kaga jiro horumarinta dhaqaalaha” ee dalka, ayuu yiri Bangiga Adduunku.