Hargeysa (HWN) Ururka suxufiyiinta Somaliland ee SOLJA, ayaa ka hadlay xadhiga wariye Mawliid Ismaaciil Haradigeed, oo ciidamada booliska Somaliland ee magaalada Laascaanood ay xidheen, waxaanay sheegay in sifo sharciga baalmarsan loo maray xadhiga wariyaha.

Sidoo kale waxaa ay Solja ugu baaqeen laamaha ammaanka ee magaalada Laascaanood in ay xoriyadiisa si deg dega ugu soo celiyaan, wariye Mawliid Haradigeed.

Warka ka soo baxay xafiiska ururka suxufiyiinta Somaliland ee Solja ayaa u dhigna sidan.”Ciidamada Booliska Somaliland ee Gobolka Sool ayaa magaalada Laascaanood ku xidhay Wariye Mawliid Ismaaciil Digeed, Wariyaha ayaa la qabtay isagoo shaqo maalmeedkiisii ku jira shalay 02/10/2021.

Ururka Suxufiyiinta Somaliland ee SOLJA waxa uu ka soo horjeeda taalaaba kasta oo baalmarsan sharciga taasoo loo maro Xadhiga suxufiyiinta, waxananu u soo jeedinaynaa laamaha amniga inay si deg-deg ah xorriyadiisa ugu soo celiyaan wariye Mawliid.”