Beesha Caalamka Oo War Kasoo Saartay Khilaafka Rooble Iyo Farmaajo
Hubaal la'aantan siyaasadeed ee socota ayaa sii kordhisay halista dib-u-dhac
Wakiilada Beesha Caalamka ayaa ku booriyay in la xaliyo muranka siyaasadeed ee u dhaxeeya Madaxweyne Farmaajo iyo Ra’iisul Wasaare Rooble, xooggana la saaro doorashooyinka, iyagoo muujiyay sida ay uga walwalsan yihiin arrimaha aas aasiga ah ee aan wali la xalinin, waxaana ay hoosta ka xariiqeen inay muddo labo todobaad ay socotay dadaalo dhex dhexaadin ah.
"Hubaal la’aantan siyaasadeed ee socota ayaa sii kordhisay halista dib-u-dhac kale oo ku yimaada geeddi-socodka doorashada waxayna horseedday jahwareer ka dhashay hoggaanka Wasaaradda Amniga Gudaha (WAG) iyo Hay’adda Sirdoonka iyo Nabadsugidda Qaranka (NISA), kuwaas oo waxtarkoodu muhiim u yahay la-dagaallanka Al-Shabaab iyo ilaalinta xaaladda nabadgelyo ee dalka”ayaa lagu yiri War saxaafadeedka
Loading...
Loading...