Dowladda Itoobiya ayaa Khamiistii ku dhawaaqday in la ceyriyay toddoba sarkaal oo ka tirsan Qaramada Midoobay.

Dawladdu waxay ku eedaynaysaa diblomaasiyiinta inay faragelin ku hayaan siyaasadda gudaha iyada oo cadaadisku ku sii kordhayo Fulinta si looga qaado xayiraadda gobolka Tigray.

Tallaabadan ayaa waxaa cambaareeyay Xoghayaha Guud ee Qaramada Midoobey, António Guterres isaga oo adeegsanaya afhayeenkiisa.

"Dhammaan hawlaha bani’aadamnimada ee Qaramada Midoobay waxaa haga mabaadi’da asaasiga ah ee aadanaha, dhex-dhexaadnimada iyo madax-bannaanida. Itoobiya, QM waxay gaadhsiinaysaa gargaar nafo lagu badbaadinayo oo ay ka mid yihiin cunto, daawo, biyo, iyo sahayda nadaafadda dadka aadka ugu baahan.

Waxaan kalsooni buuxda ku qabaa. Shaqaalaha UN-ka ee jooga Itoobiya oo hawshaan qabanaya.QM waxaa ka go’an inay caawiso dadka Itoobiyaanka ah ee ku tiirsan gargaarka bani’aadamnimada. ayay tiri Stephanie Tremblay, Af-hayeenka Xoghaya Guud ee Qaramada Midoobay.

Dowladda Itoobiya ayaa ku eedeysay shaqaalaha samafalka inay taageeraan ciidamada Tigray-ga. Shaqaalaha samafalka ayaa beeniyay eedeymaha loo soo jeediyay.

Ku dhawaaqista dowladda Itoobiya ayaa kicisay dareen-celin ka timid Aqalka Cad.

"Dawladda Maraykanku waxay si adag u cambaareyneysaa tallaabadii aan hore loo arag ee ay dawladda Itoobiya ku caydhisay hoggaanka dhammaan hay’adaha Qaramada Midoobay ee ku hawlan hawlaha bani’aadamnimada ee socda. waa inay joogsataa ", ayay ku dhawaaqday Jen Psaki, Xoghayaha Saxaafadda ee Aqalka Cad.

Gobolka Tigray ayaa hoy u ah lix milyan oo qof waxayna muddo ku dhow hal sano dagaal kula jireen Itoobiya iyo xulafadeeda.

Sida laga soo xigtay QM, toddobaadyadii la soo dhaafay kaliya 10% sahayda bani’aadamnimada ayaa gaadhay meelaha u baahan.