Xisbiga Waddani Oo Ka Hadlay Weerarkii Suldaan Habaar Ku Dhaawacay Xildhibaan Guruuje
Hargaysa (HWN) Xoghayaha Arrimaha Gudaha ee Xisbiga WADDANI Maxamed Faarax Cabdi ayaa ka hadlay weerarkii uu shalay Suldaan habaar ku dhaawacay Xildhiban Guruuje oo ka tirsan xildhibaanada Golaha Wakiilada Somaliland.
Xoghayaha ayaa
sheegay in Suldaan Habaar uu ka tirsanyahay xisbiga Kulmiye, sidaa daraadeedna
ayna xukuumadu doonayn inay soo xidho.
" Shalay Qaranka JSL waxa soo gaadhay dhaawac weyn, Xildhibaan Guruuje waa xildhibaan huwan astaantii Qaranka oo ummadi soo dooratay, waxaana shalay gacan saaray xubin ka mid ah taageerayaasha Kulmiye ee waliba sida gaarka ah ugu dhaw ee sida gaarka ah indho la’aanta ugu difaaca Madaxweynaha ee sida gaarka ah indho la’aanta ugu difaaca Kulmiye iyo xukuumaddiisa, Waxaa nasiib darro ah in aan dhaawaca xubinta Kulmiye ka tirsan maalinta cad gaystay aan ilaa hadda wax tallaabo ah laga qaadin waxaanay tusaysa in aan caddaaladda loo sinayn, ” ayuu ku yidhi qoraalkiisa Xoghayaha Arrimaha Gudaha ee Xisbiga WADDANI Mudane Maxamed Faarax Cabdi.