Hargaysa (HWN) Gudoomiyaha golaha wakiilada Somaliland Cabdirisaaq Khaliif Axmed ayaa gurigiisa ku booqday Xildhibaan Guruuje oo ka tirsan mudanayaasha golaha wakiilada, kaas oo uu dhaawac soo gaadhsiiyey Suldaan Saleebaan Boqor Cismaan.

Gudoomiyaha ayaa xildhibaanka ka waraystay sida ay wax u dhaceen, iyo halka uu salka ku hayo khilaafka kala dhexeeya isaga iyo suldaanka.

Gudoomiyaha ayaa balanqaaday in ka gole ahaan ay sharciga iyo nidaamka dawladnimo ay ku dhamayn doonaan khilaafkan sababay dhaawac xildhibaanka.

Falkan uu Suldaanku ku dhaawacay Xidhibaan Guruuje ayaa noqonaya fal ugub ku ah bahda dhaqanka, oo caan ku ahaa nabadaynta iyo daminta shaqaaqooyinka, balse Falkan Suldaan Saleebaan ayaa warab ku noqonaya shaqada Salaadiinta Somaliland