Dhuux oo Dhandhanso ... C/llaahi Maxamed Cumar

Visits: 781
(Rating 0.0/5 Stars) Total Votes: 0
0 0
Share via Social Media

Dhuux oo Dhandhanso ... C/llaahi Maxamed Cumar

Nabad iyo caano akhristayaal,

Share

Nabad iyo caano akhristayaal,

Alle ha u naxariistee, Cabdullaahi Suldaan oo ku caanomaalay naanaysta Timacadde, wuxu ka mid ahaa suugaanyahannada sida fiican u yaqaanna cudurrada soomaalida kansarka ku noqday ee loo maaro la' yahay illaa maanta ee ay ka midka yihiin; qaadka iyo qabyaaladdu.

Mar uu haddaba soomaalida tusaalaynayey xumaanta ay qabyaaladdu leedahay, ayaa wuxu yidhi:

" Hal bannaan ku ragaaddey

oo Galool ruugga ka gaadhey

Rawax waa ku kacshaa

Nin abeeso rudhaana

Haddayna ruux ka goynin

Riiq dambuu u dhintaa

NIN QABYAALAD RABAYSTAYNA

kolka rays kama gaadho

Ee raran kuu ku gubtaa."

Qeexidda ereyada qaarkood

1. Ragaad :Marka ay geel qodaxi ku jabto ee uu la dhutiyo, ayaa la yidhaahdaa wuu ragaadsan yahay.

2. Rawax: halkan wuxu gabayaagu ujeedaa, dhul dhagax leh. Macnaha hashii bannaanka ku soo ragaadey; markay meel dhagax leh timaado waxa ku soo kacda qodaxdii bannaanka ku soo muddey.

Rudhaa: goosataa ama qaniintaa

Rays iyo Raran:raysku waa dhul qaboow oo naxariis leh. Rarankuna waa dambaska kulul ama dhul hanfi ah oo ku leefaya- Sida, bacaadka lamadegaanka!

Dhandhanso oo ku dhaqan! Ka dheeroow qabyaaladda, qudhun iyo qaybin bay wadataaye!!

C/llaahi Maxamed Cumar

Email: [email protected]

AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!