SALAAN GAAR AH BAHDA HADHWANAAGNEWS IYO AKHRISTAYAASHEEDA.

DUULKAN DIIDAN MEYOW,DIB BAL MAA U EEGTAN,

DADKII KUU DAGAALAMAY,DULMIGA KA XOREYEE,

DACAR KUU QUDHQUDHIYE,DUQAYN IYO DUMINTI,

DILKA UGU BADHEEDHEE,DUUNYO IYO XOOLABA,

DARAADA U HURAYEE,DIIF ADOON U SOO MARIN,

DALKII HOO KU YIDHIYE,KUUGU DEEQAY NABADE,

DIIDAY AARSI GOOSIGA,DIIRKA KALA COLOWDEEN,

DOQON BAAN ABAAL GUDIN,DADKA KA UGU JECLBAY,

DABINKA U MALEEGTAA,DAREEN CAAFIMAD MA LEH,

DERISKA IYO CADAAWA,DOORBA MID BAY LA SOCOTA,

DIRIRKA IYO XIDIGIHIYO,DANBARSAMO MA DHAADO,

DABA GAABO DHACAYBAY,DUBAAQEEDU HAYSTAA,

DURBAAN BAY U TUMAYAN,DARAAN MEELA HAYSANI,

DUL IYO HOOS WAX UGU SHEEG,DUCO LOOGU TAAGWA,

DULQAAD WUU DHAMAADAYE,DUUGAYNU SUGAYNAA,

DAACADA IYO KHIYAAMADU,DAB MA WADA KULAALAN,

DEEQSIGA IYO BAKHAYLKUNA,DERIS KUMA HESHIIYAN,

DOQONKA IYO FARIIDKUNA,DOOD WADAAGI MAAYAAN,

DULMIGA IYO CADAALADI,IYANA WAA DAB IYO GAAS,

DAGAALKA IYO NABADANA,LAYSKU DOORSANMAAYO,

DAAYIN BAAN MASAYNOO,DERAJAY IS DHEERYIIN,

DARIIQYAAN TILMAAMAY,DUNIDU AY U BADAN TAHAY,

DAWLADIYO DADKEDABA,DENBI DHAAF ALLAHYOOW,

DOOROONOW MID NOO DOOR,DIIHAALKA NAGA MAYDH.

ISMAIL ABDILLAHI HANDULEH.