Wadahadaladii Vienna ayaa la soo afjaray 20-kii Juun, laba maalmood ka dib markii Raisi oo ah ninka mayalka adag uu ku guuleystay doorashadii madaxtinimada

Wadahadalladii hakadka galay ee ujeeddadoodu ahayd in dib loo soo nooleeyo heshiiskii nukliyeerka ee Iiraan ay la gashay quwadaha adduunka ayaa laga yaabaa inaanay dib u bilaabmaan laba illaa saddex bilood oo kale ka dib, sida ay sheegtay wasaaradda arrimaha dibaddu.

Wada-xaajoodkii Midowga Yurub, waxay bilaabmeen Abriil waxayna raadinayeen inay Mareykanka dib ugu soo celiyaan heshiiskii lagu heshiiyay 2015-kii. Madaxweynihii hore ee Mareykanka Donald Trump ayaa ka baxay heshiiskii 2018 wuxuuna bilaabay inuu cunaqabateyn adag saaro Iran.

"Ma doonayno inaan ka baxno wada-xaajoodka, dawladduna waxay u aragtaa gorgortan dhab ah inuu yahay mid soo saara natiijooyin la taaban karo oo u oggolaanaya in la sugo xuquuqda ummadda Iiraan,” ayuu yiri Wasiirka Arrimaha Dibadda Hossein Amir-Abdollahian intii lagu guda jiray wareysiga fiidnimadii Salaasada ee telefishanka dawladda.

Wadahadallada Vienna waa "mid ka mid ah su’aalaha ku saabsan siyaasadda arrimaha dibadda iyo ajendaha dowladda,” ayuu yiri.

Laakiin "dhinaca kale si fiican buu u ogyahay in geeddi-socod laba ilaa saddex bilood ah looga baahan yahay xukuumadda cusub inay is dhisto oo ay bilowdo inay qaadato go’aanno.”

i24