Hargeysa(HWN):-Xukuumada Somaliland ayaa ogolaatay in magaalada Berbera la keeno qaxoonti ka socda wadanka Afghanistan oo tiradoodu gaadhayso toban kun oo qof (10,000).

Wargeyska caalamiga ah ee world street Journal ayaa shaaciyey in xukuumada somaliland ay saxeexday heshiis ay ku ogolaatay in qaxoontiga Afghanistiyiinta ah si ku meelgaadh ah loo dejiyo magaalada Berbera ee ku taala xeebta badda cas.

Wakiilka somaliland ee dalka Maraykanka Bashiir Good ayaa wargeyska WSJ u xaqiijiyey in Zach Van Meter oo ah ganacsade maalgashiyade weyn ahi uu la soo xidhiidhay isla markaana uu waydiiyey in dawlada Somaliland ay qaabili karto qaxoonti kumanaan ah oo u dhashay wadanka Afghanistaan.”

Sidoo kale wargeyska ayaa sheegay in 25 August 2021 uu kusimaha wasiirka arimaha dibada Somaliland ahna wasiir ku xigeenka Liibaan Yuusuf Cismaan uu heshiis hordhac ah la saxeexday hay’addo samafal ah oo la shaqeeya maalgashadaha Mr Van Meter kaas oo ay xukuumada somaliland ku ogolaatay in qaxoonti Afghanistaan u dhashay oo gaadhaya 10,000 si ku meelgaadh ah loogu hayo magaalada Berbera ee xarunta gobolka Saaxil.

Halkan Guji Si Aad u Akhrisato