Madaxweynaha deegaanka Soomaalida Itoobiya oo digniin u diray shacabka Maamulkiisa
Madaxweynaha dowlad deegaanka Soomaalida Itoobiya oo digniin u diray shacabka Maamulkiisa
Hargeisa(HWN):-Madaxweynaha dowlad-deegaanka Soomaalida dalka Itoobiya Mustafe Maxamuud Cumar (Cagjar) ayaa sheegay inaanay marnaba u dul-qaadan doonin Shaqsiyaad uu sheegay iney la shaqeeyaan ama taageeraan Ururka TPLF, ee ka dhex dagaalama gudaha dalka Itoobiya.
Madaxweyne Mustafe Maxamuud Cumar oo kulan la yeeshay golaha fulinta dowlad deegaanka Soomaalida Itoobiya ayaa sheegay in Sanado badan dhibaatooyin kala duwan oo dhanka Dhaqaaha iyo Bulshada Soomaalida ay ku hayeen Ururka TPLF, isla markaana aan la aqbali karin in mar kale dib uga soo dhex muuqdaan gudaha deegaannada Maamulka Soomaalida Itoobiya.
Madaxweyne Cagjar ayaa sidoo kale sheegay in si weyn loo adkeeyay Amniga dhammaan magaallooyinka dowlad deegaanka Soomaalida Itoobiya, isla markaana sheegay in talaabo adag ay ka qaadi doonaan cidii lagu arko taageerada TPLF.
Gabagabadii Madaxweynaha dowlad-deegaanka ayaa shacabkiisa ugu baaqay iney xasuusnaadaan Xasuuq uu sheegay iney hore uga geysteen Ururka TPLF gudaha dowlad deegaanka Soomaalida Itoobiya.
Loading...
Loading...