London(HWN):-Fanaanka caanka ee Nuur Jaamac Aadan(Nuur Daalacay) ayaa ka hadlay geerida ku timid alle haw naxariistee Xildhibaan Xaaji Cabdikariin Xuseen Yuusuf(Cabdi Waraabe).

Fanaanka Nuur Daalacay oo Hadhwanaagnews soo gaadhsiiyey dhambaal uu kaga hadlayo geerida alle haw naxariistee Xildhibaan Xaaji Cabdi Waraabe ayaa sheegay inuu ahaa tiir adag oo ku calaamadsan nabada iyo wanaaga bulshada dhexdeeda oo ka baxay guud ahaan dadka afka soomaaliga ku hadla.

Fanaanka Nuur Daalacay ayaa dhambaalkiisa ku yidhi "Marka Hore waxaan dhambaal tacsi tiiraanyo leh gaadhsiinayaa ehelkii, qaraabadii iyo guud ahaanba shacabka Somaliland ee uu ka baxay marxuun Xaaji Cabdikariim Xuseen Cabdiwaraabe.

Xaajigu waxa uu caalamad u ahaa nabada,wanaaga iyo isku soo dhawaynta bulshada, waxaanu taariikh mugweyn o oculus kaga tagay shacabka somaliland oo loo baahan yahay inay wax ka bartaan isla markaana noqdaan kuwo hirgeliyo taladii wanaagsanayd ee lagu yaqaanay.”