Goleyaasha Deegaanada Hargeysa, Boorama Iyo Balligubadle Oo Doortay Maayaro Cusub
Goleyaasha Deegaanada Hargeysa, Boorama Iyo Balligubadle Oo Doortay Maayaro Cusub
Hargeysa(HWN):-mudaneyaasha cusub ee goleyaasha deegaanada degmooyinka Hargeysa, Boorama iyo Balligubadle ayaa fadhiyo ay maanta yeesheen ku doortay maayarada cusub ee magaalooyinkaasi.
golaha deegaanka Hargeysa ayaa fadhigoodii ugu horeeyey ooay maanta yeesheen ku doortay maayarka cusub ee magaalada Hargeysa Cabdikariim Axmed Mooge, halka ay maayar ku xigeena u doorteen Khadar Nuur oo kala tirsan xisbiyada Waddani Iyo Ucid.
sidoo kale magaalada Boorama ayey fadhigii ugu horeeyey ku yeesheen mudanayaashii dhawaan la doortay, waxaanay maayarka magaalada u doorteen Maxamed Axmed Warsame halka ay maayar ku xigeenkana u doorteen Yaasiin Deheeye Oomane oo labadooduba ka soo baxay xisbiga mucaaridka ah ee Waddani.
sidoo kale degmada Balligubadle ayey mudaneyaasha cusub ee golaha deegaanku ay maayarka magaalada u doorteen Maxamed Cabdi Muxumed (Shiine). oo ka soo baxay xisbiga Kulmiye halka ay maayar ku xigeenkana u doorteen Cabdirisaaq Xasan Aadan.
Loading...
Loading...