Siyaasiga Maxamuud Xaashi Cabdi Oo Fursad Ku Helay Muuse Biixi Oo Ay Sii Kala Foggaanayaan
Siyaasiga Maxamuud Xaashi Cabdi Oo Fursad Ku Helay Madaxweyne Biixi Oo Ay Sii Kala Foggaanayaan
Hargeisa(HWN):-Siyaasiga Maxamuud Xaashi Cabdi oo ay muddooyinkii u danbeeyay-ba aad u kala foggaayeen Madaxweynaha Somaliland Muuse Biixi Cabdi, ayaa toddobaadkii inna dhaafay si adag ula saftay Xisbiyadda mucaaridka ah, gaar ahaan Xisbiga UCID oo uu hadda noqday Ciyaaryahanka khadka dhexe uga safta loollanka loogu jiro hanashadda Maayirrada dalka iyo Shirguddoonka golaha Wakiillada.
Siyaasiga Maxamuud Xaashi Cabdi ayaa la rumaysan yahay innuu Maskaxdii ka danbaysay soo bixitaanka Xildhibaanno badan oo ka soo jeedda gobollada barriga Somaliland, iyaddoo uu muddooyinkii u danbeeyay ku sugnaa gobolka Togdheer, waxaannu maalmihii la soo dhaafay uu shir doceedyo la qaadannaayay guddoomiyeyaasha Xisbiyadda mucaaridka ah ee WADDANI iyo UCID Cabdiraxmaan Maxamed Cabdillaahi (Cirro), iyo Eng Faysal Cali Waraabe.
Dhinaca kale, Siyaasiga Maxamuud Xaashi Cabdi waxa uu maalintii shalay uu kulan la qaatay Murashaxa u tartamaaya Afhayeenka golaha Wakiillada Somaliland Xildhibaan Cabdirisaaq Khaliif Ahmed, oo ka soo baxay Xisbiga WADDANI, kaasoo ah Xubinta ay Xisbiyadda mucaaridku isla qaateen inuu ku fadhiisto kursiga u sarreeya aqalka Wakiillada ee Somaliland.
Si kastaba ha ahaatee, Siyaasiga Maxamuud Xaashi Cabdi ayaa fursaddan u arka mid uu ku muujin karraayo awooddiisa siyaasaddeed, isla markaanna siddii uu horeba u sheegay uu kula dagaalami karro siyaasadda Madaxweyne Biixi Cabdi Cabdi.
Loading...
Loading...