Faallo:-Doorashooyinka Somaliland mala joogtayn karraa?

Visits: 1807
(Rating 0.0/5 Stars) Total Votes: 0
0 0
Share via Social Media

Faallo:-Doorashooyinka Somaliland mala joogtayn karraa?

Hargeisa(HWN):-Horta Doorasho way dhacday oo laba cali iskuma diiddana in Isniintii shalay ay qabsoontay

Share

Hargeisa(HWN):-Horta Doorasho way dhacday oo laba cali iskuma diiddana in Isniintii shalay ay qabsoontay

Hargeisa(HWN):-Horta Doorasho way dhacday oo laba cali iskuma diiddana in Isniintii shalay ay qabsoontay doorasho ay u soo baxeen dad-gaadhaaya Hal milyan oo ruux, kuwaasoo doorannaayay Xildhibaannadii ku matali lahaa goleyaasha Wakiillada iyo Deegaanka ee shanta Sanno ee haddii Alle yidhaahdo foodda innagu soo haya.

Dadkeenna caadifadda iyo qiirrada dhaw ayaa ku badan, waxaad arkaysaa gebbiga dalkiibba wuxuu ku faraxsan yahay qabsoomidda Doorashooyinkan isku sidkan ee Wakiillada iyo Deeggaanka. Haa, waa sax in lagu farxo oo la boggaadiyo guud ahaan-ba qarankoo dhan ileen Somaliland oo dhan ayaa guushan wada lehe'e, hase yeeshee su'aasha iswaydiinta u baahani waxay tahay Somaliland shantii sannaba in mar doorasho la qabto sow ma habboonna? mise wakhtigii aynu haleelno ayuun baynu qabsannaa doorashooyinka, sida ay Isniintii shalay innoogu dhacday doorasho muddo dheer dib u dhacyo ku imanayeen.

Waxa hubbaal ah oo Somaliland u baahan tahay inay ka xorrowdo dib u dhac danbe oo ku yimaadda Doorashooyinkeedda, haddii taas la waayo waxaad ogaataa midhaha iyo sharafka ay Somaliland ka dhaxlayso doorashooyinkan isku sidkan waxay noqonaysaa hal bacaad lagu lisay, markaa maaha in aynu tobankii sannaba mar doorasho qabano ee waa in la joogteeyaa oo ummadda la yidhaahdaa maalintaas baa doorashaddu qabsoontay, waxaannay dhacaysaa maalinteedda ku taariikhaysan oo aan hal saac aannay dhaafin.

Haddaba, Xaaji Muuse Biixi hala sii fahamsiiyo inaan loo baahnayn Muddo-kordhin danbe, waayo Madaxweyne kastaaba waxa uu rabbaa inuu Sharci ka dhigto hebelkii iga horreeyay-ba waa loo kordhiyee maxaa aniga la iigu diiddayaa? maaha inay iska socoto haddii Rayaale loo kordhiyay, oo Siilaanyo loo kordhiyay macnaheeddu maaha in Muuse Biixinna loo kordhiyay ee loo baahan yahay in jidkaas kordhinta la soo xidho oo lagu dhiiraddo in la hor istaago oo Madaxweyne kastaa marka uu dhammaysto muddo xileedkiisa uu umadda doorasho u qabto si ay Somaliland u muujiso horumarka iyo horusocodka Doorashooyinka iyo Dimuqraadiyadda, isla markaanna caalamku u arko bisaylka siyaasaddeed iyo ilbaxnimadda ummadda reer Somailand, markaa si doorashooyinku ay macno u yeeshaan waa in laga dhigaa kuwo joogto oo xilligoodda ku qabsooma.

Si kastaba ha ahaatee, waa markii ugu horraysay ee tiraddii ugu badnayd ay u soo baxeen codbixinta doorashooyinka isku sidkan ee goleyaasha Wakiillada iyo Deegaanka. Sidoo kale, waa markii ugu horraysay ee Somaliland qabato laba Doorasho oo isku sidkan, taasoo soo jiidatay indhaha beesha caalamka iyo kuwa gobolkaba.