Kaftanka Manta, Igu Garro . W/Q: Axmed Nuur Guruje.

Visits: 1521
(Rating 0.0/5 Stars) Total Votes: 0
0 0
Share via Social Media

Kaftanka Manta, Igu Garro . W/Q: Axmed Nuur Guruje.

Sheekaba sheeko ayay keentaaye , waagii horre aroosyada marka la joogo , marka la arko wiil si dardarle u shaqaynaya oo kolba arooska dhegta wax u saaraya

Share

Sheekaba sheeko ayay keentaaye , waagii horre aroosyada marka la joogo , marka la arko wiil si dardarle u shaqaynaya oo kolba arooska dhegta wax u saaraya , marka habluhu is waydiiyaan wuxuu yahay waxay odhan jireen waa igu garro , oo macnaheedu yahay waa qoyska arooska .

imka waa halkaase , hadaad aragto Samaale oo Ina Cabdi dheere uun ag taagan , oo jaanisba lahayn waa igu garro .

Hadaad aragto , Xuseen badhaani oo intuu suu xidhay Madaxwaynaha agtaagana waa igu garro , ilayn Siilaanyaba muu agtaagnaan jirine .

Hadaad aragto Ina xaaji Ismaaciil oo habeen iyo maalin dood iyo muran lasoo taagan waa igu garro , dawladii horrebe muu difaaci jirine .

Hadaad aragto maxbuus la xidhay oo into lasii daayey Madaxda sarre soo salaamayna Iyana waa igu garro ilayn kuwa kaleba ma gaadhaane .

Hadaad aragto dhalinyaro heegan u ah difaaca dawlada oo isku wada sumad ahna waa igu garo ilayn aragti iyo ujeeda ay difaacayaan oo kale iskumay soo xulane .

Hadaad aragto mid iska dhigaya in uu dalka dadka ka jecel yahay oo uu keligii muwaadin yahayna, dalka waa loo wada dhashay waana lawa jecel yahaye waa igu garro .

dee markaa waa igu wada garadaas oo miidhane , way is wada harowsanaysaa .

AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!