Hargeysa(HWN):-Xukuumada somaliland ayaa xabsiga dhigtay xildhibaan Dhakool oo ka tirsan mudanayaasha golaha wakiilada somaliland.

Warar rasmi ah oo Hadhwanaagnews soo gaadhay ayaa sheegay in ciidamada amaanku ay qabteen xildhibaan Dhakool oo ka mid ah mudanayaasha ka soo jeeda gobolka Sool.

Wararka ayaa sidoo kale xaqiijiyey in xildhibaan Dhakool hada ku xidhan yahay saldhiga dhexe ee magaalada Hargeysa isla markaana la qorshaynayo in saacadaha soo socda loo gudbiyo xarunta dambi baadhista.

Xadhiga Xildhibaan Dhakool ayaa imanaya iyada oo aan laga qaadin xasaanadii uu lahaa.

Sababaha ugu waa weyn ee loo aanaynayo xadhiga xildhibaan Dhakool ayaa ah hadalo uu dhawaan sheegay oo ku saabsan xuska maalinta 18-ka May ee loo sameeyo dib ula soo noqoshadii madax banaanida somaliland, taas oo uu ku tilmaamay inaanay ahayn maalin qaran balse u gaar ah ururka SNM.

Ka dib xadhiga xildhibaan Dhakool, waxa la dhawrayaa talaabada xigta ee ay xukuumadu qaado.

Wixii Warar Ah Ee Soo Kordha Kala Soco Hadhwanaagnews.com