Deg Deg Barakac ka bilowday xaafado ku yaala degmada Hodan Ee Magaalada Muqdisho
Dad horleh ayaa ka barakacay Xaafado ka tirsan degmooyinka Gobolka Banaadir, kuwaas oo ka cabsi
qaba inay dushooda ku dagaalamaan Ciidamada dowladda Soomaaliya iyo kuwa Millateriga ah ee
taageersan Mucaaradka.
Degmooyinka sida weyn looga barakacay ayaa waxaa kamid ah degmooyinka, Hodan, Howl-wadaag,
Wartanabada, Boondheere iyo qeybo kamid ah degmada Waaberi ee Gobolka Banaadir.
Sawiro laga soo qaaday dadka barakacaya ayaa la arkayaa, iyaga oo Madaxa ku sitay alaabtooda halka
qaarkood ay Gawaarida noocyadooda kala duwan ku raranayeen.
Ciidamo ka tirsan dowladda iyo kuwa Mucaaradka ayaa isku hor fadhiya degmooyin ka tirsan Gobolka Banaadir, iyada oo la filan karo in uu dagaal ka dhex bilaawdo.
Dowladda Soomaaliya iyo Musharixiinta Mucaaradka ayaa isha ka daawanaya dadka barakacooda ay sababta
u yihiin, iyada oo sidoo kale ay jiraan Xaafado horleh oo laga barakacayo.