Astaanka Musharax Laabsaalax Maku Jirtay Kuwii Uu Komishanku Siiyey Xisbiga Kulmiye?

Visits: 2651
(Rating 0.0/5 Stars) Total Votes: 0
0 0
Share via Social Media

Astaanka Musharax Laabsaalax Maku Jirtay Kuwii Uu Komishanku Siiyey Xisbiga Kulmiye?

Astaanka Musharax Laabsaalax Maku Jirtay Kuwii Uu Komishanku Siiyey Xisbiga Kulmiye?

Share

Astaanka Musharax Laabsaalax Maku Jirtay Kuwii Uu Komishanku Siiyey Xisbiga Kulmiye?

Hargeysa(HWN):-Xoghayaha arimaha bulshada xisbiga Waddani Maxamed Sidiiq Dhamme ayaa sheegay in astaanta uu samaystay musharax Xasan Saleebaan Dhuxul ay tahay mid aan ku jirin kuwii ay guddida doorashadu siiyeen xisbiga Kulmiye.

xoghaye Dhamme waxa uu sheegay xidig uu astaan ka dhigtay musharax Laabsaalax aanay ka mid ahayn kuwii xisbiga Kulmiye la siiyey qoraal uu soo saaray ayaanu ku yidhi sidan:-

Xiddig ma ku jirtaa astaamaha komishanku bixiyay?

Musharraxa Golaha wakiilada gobolka Maroodi jeex ee Xisbiga KULMIYE Xasan dhuxul Laab-saalax, wuxuu samaystay calaamad aan ku jirin liiska astaamaha 20-ka ah ee la siiyay Xisbiga KULMIYE. calaamadaas xiddigta ah isagaa caashaqay oo lafihiisa u samaystay, waa sharci jebin iyo nidaam xumo weyn in musharrax uu samaysto astaan.

Waxa ka bedelka astaamaha waa shaqo u taal Komishanka doorashooyina qaranka, astaamaha asxaabta qaranku lamay iman ee waa loo qaybiyay si nasiib ah iyagoo wada joogaa, Xisbiga KULMIYE waa in uu dhowraa geedi socodka doorashada iyo habraacyada komishanka oo aanay gacantooda ku qaadan sharciyadda iyo nidaamka doorashada foodda innagu soo haya.

Komishanka waxa u taal shaqo weyn oo ah feejignaan iyo in ay si dhaw ula socdaan dhacdooyinka noocaas ah, haddi aan la xakamayna waxay horseedaysaa jid aan wanaagsanayn oo innagu haga is boob iyo musuq, waxa ugu yar ee lagu ilaalin karo musharrax waa astaantiisa, musharaxiintana waxa la gudboon in ay iimaansadaan astaamaha la siiyay oo ay fahmaan in aan la dooranayn astaanta ee la dooranayaa shakhsiyadda.