Tu Khaas Ahna Bahda H/W Iyo Akhristayaasheeda.

Dharaara Ka Hadhayo,Waa Dhamaad Xilkiiniye,

Dhaameelna Muu Hadhin,Xoolo Laysu Dhiibaye,

Dhankastaba U Daaqdo,Dhaaxaa Cantuugteen,

Dhumasho Dhabarku Muuqdo,Dhukusada Dayo,

Dhawaanba Tegaysaane,Dhaqdhaqaaqa Joojo,

Dhulka Dhiga Amaanada,Muday Idinku Dhaafte,

Dheeraadba Ku Noqoten,Dhaqalihiyo Qarankaba,

Dhidarkii Xabaal Qoday,Qudhunbu U Dhaadhcay,

Dhabadan Aydin Haysaan,Taasay U Dhigantaaye,

Dhaartii Aydin Jebiseen,Dhibteedi Wayna Haysaa,

Dhamac Iyo Abaariyo,Dhuxul Aasaniyo Raran,

Dhalan Rogay Dhulkoodo,Dhiiga Miirataad Tiin,

Dhuuga Iyo Qaniinkaan,Dhergahayninba Tiin,

Dhulkan Ayaxi Rogayee,Ka Dhameeyay Saracee,

Koronkoradi Uu Dhalay,Dhulka Geliyeyba Tiin,

Dhiigiina Waxa Galay,Xaaraantaad Ka Dhergten,

Dhawrba Ka Nabadgalay,Meel Gaara Lagu Dhigay,

Dhaqaniyo Distoorkaba,Dhabarka Ka Jebiseen,

Dhanlaaxda Na Qadeen,Dhuuxdeen Laf Dheertii,

Dhiga Xeerka Sidataan,Kuwa Danba Dhamaystir,

Waxkasto Inaga Dimane,Dhaafa Qaranka Dhawacan.

Ismail Abdillahi Handuleh.