Qoor Qoor oo amray howlgal ka dhan ah Xoreynta Ceelbuur SAWIRO
MadaxweynahaGalmudug Axmed Cabdi Kaariye Qoorqoor ayaa inta uusan kaso ambabixin Dhuusamareeb safar kormeer ah ku tegay difaacyada hore ee Ciidanka Qalabka Sida ee ku sugan deegaanka Sinadhaqo iyo naxaawigiisa ee hoostaga degmada Ceelbuur.
Madaxweynaha waxaa Safarka ku wehliyay Wasiirka Amniga Gudaha ee Galmudug Axmed Macalin Fiqi iyo masuuliyiin kale, isaga oo la kulmay Saraakiisha iyo Ciidamada ku sugan halkaas.
Ujeedka kormeerkiisa ayaa waxaa lagu sheegay u kuurgelida xaaladda ciidanka war bixinna ka dhageystay saraakiisha hoggaamineysa howlgalada .
Ugu danbeyntii, Madaxweynaha Galmudug ayaa khudbad guubaabo iyo dhiirogelin iskugu jirta u jeediyay ciidamada ku sugan furimaha lagula dagaalamayo cadowga waxaana uu kula dardaarmay ciidamada iyo saraakiisha inay sii wadaan howlgalada lagu xoreynayo deeganada Galmudug iyo guud ahaanba Soomaaliya.