Siraad Cabdulle Ugaas oo ka mid ahayd hoboladii kooxdii xoogga dalka ee Horseed waxay badhtimihii kun iyo sagaal boqol iyo afartameeyadii  ayey ku dhalatay  deegaanka Ceelbuur, 1974 waxay ka mid noqotay dadkii lagu bilaabay kooxda Milatariga ee Horseed,  waxay doorweyn ka qaadatay heesihii guubaabada u ahaa ciidanka sannadihii uu socday dagaalkii Ethiopia iyo Soomaaliya u dhexeeyey ee  1977/1978.

Ka dibna waxay noqotay Jilaaga koowaad/actress -ka kooxda Horseed ee dhanka dumarka , waxayna wax ka jishay riwaayadihii kala ahaa

1 Waqti iyo waalli jaceyl waxa curiyey Bashiir Salaad Cirro , heesta Lahashada ee Jaangow ay la qaaday ayaa ku jirtay .

2 Qalanjo Qaybsami wayday waxa curiyey Cabdiqaadir Cabdi Shube

3 Ninba Dhan u baday Waxa allifay Xasan Gabay

4 Wed Jaceyl iyo War la’aanta hablaha  Waxa curiyey Maxamed Nuur Shareeco

 5 Rug Jaceyl iyo Roob arood da’ay waxa allifay Cabdi Aadan Badey

6 Hiddihii baa doorsoomay  waxa curiyey  Maxamed Nuur Shareeco

7 Aadaa wax arkee Usha ii qabo – Cabdi Aadan Badey

8 Gardarooy Godkaagii malaguugu soo galay- Cabdi Aadan Badey

 Dadka ay la heestay waxa ka mid ahaa, Jaangow , Digfeer , Hanuuniye iyo Fannaaniin kale oo ay isku koox ahaayeen .