Ramadaan Kariim Ummadda Reer Somaliland ( Abdi-Shotaly).

Visits: 1519
(Rating 0.0/5 Stars) Total Votes: 0
0 0
Share via Social Media

Ramadaan Kariim Ummadda Reer Somaliland ( Abdi-Shotaly).

Saaka waxan halkan salaan uga dirayaa dhamaan ummadda Reer Somaliland,

Share

Saaka waxan halkan salaan uga dirayaa dhamaan ummadda Reer Somaliland,

aniga oo ugu tahniyaday-naaya bisha barakaysan, ugna khayrka badan bilaha oo dhan ( Waa Bisha Ramadaane), Waxana aan leeyahay Soon wanaagsan iyo cibaado suuban, illaah ha inagala kulmiyo, oo ha inaga siiyo caafimaad, khayr, bash-bash, barwaaqo, ajar inoo hogaamiya janadana, casaawa-jaluhu ha inoogu deeqo, barakadda bishan iyadda ah ee Ramadaan. Waxan si gaar ah Ugu hambaliyey-nayaa Bishan barakaysan, Mulkiilaah Iyo Shaqaalaha Mareegta Hadhwanaagnews iyo xaasas-koodda, caruura-hoodda. waxa kale oo aan si la mid ah iyana ugu dirayaa akhrista-yaasha ku kala nool caalamka daafa-hiisa, wakhti ay ku jiraan-ba iyo meel ay ka joogaan-ba. Cismaan Gacanlaw ( IHUN) , baa ku heesi jirey Rabadaanta " Waa bishii ugu mudnayd bilahoo, Buruud-keedda Allaa bixyee, badhba-dhaadh-naye, waa beri soon" waa inoo cibaado.

Waxa kale oo aan idiin sheegayaa, inta bishan lagu jiro barakaysan, in aan joojin doono qoraaladdii maalin-laha ahaa, ee aan ka soo dayn jirey war-baahinta sidda hadhwanaagnews. iyadda oo sidaas aan ku tallo galay, laga bilaabo beri oo taariikh-du tahay 06/05/2019, ayaan-tuna ay tahay maalin isniin ah, hadana wixii muhiim ah, ee laga fursan waayo, marka ay yimaadaan haddii Alle idmo, Waxan ku kulmi doonaa war-baahintii caadiga ahayd ee aad ka akhrisan jirteen, qoraaladda aan idiin soo gudbiyo. sidaas awgeed haddii Alle idmo, waxay inoo ahaan doontaa Ciidda iyo wixii ka dambeeya, inaka oo dib ugu soo laabana qoraaaladdii maalin-laha ahaa. Muwaadin inta ka horaysa, waxan idin-kaga tegayaa, idinkoo nabad ah, iyo anaka oo nabad ah, Waa ayaamal-khayre, illaahay-na, ha inaga qabto kuwa Dalkii iyo dadkii liqay, ee hunguriga maxaad marisaan mooyee, wax ay maamul ka garanayaan aanu jirin, rabbi ha jebiyo ee aamiin dhaha.

* N.B Biluu Kala Mudan, Ee Bil Khayr Dhaha.

Qore:- Abdi-shotaly

[email protected]

AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!