Qof waliba marka uu iska wato noloshiisa gaarka ah ee aanu haynin xil umadeed wuxuu haystaa Buug cad oo nadiifa wax madmadow iyo qaladaad ihina aanay ugu oolin , hassa yeeshee marka qofku soo galo nolosha caamka ah Buugaa cad ee xaashiyihiisu madhan yihiin wuu buuxsamaa ,waxaana ka baxsuuma shar iyo khayr qof waliba waxa uu ku qorto .

Buugaas isagga ah , qof waliba isagga ayaa gacanta ku haya qalinka laggu qorayo buugiisa , gacanta keliya ee Buugaas wax ku qoraysaana waa gacantiisa , hassa yeehee Buugaas waxaa xor u ah in ay Akhirstaan dadka oo dhan , kuwaasoo ku akhriyi doona meel aanu joogin qofka Buuga qoray , xili aanu joogina akhri doona si aan lagala tashana u akhriyi doona .

Hadaba Buugaas isaga ah oo la yidhaahdo Diiwaanka Taariikhda qof walba wuxuu u bilaabmaa markuu soo galo noloshaa guud , qof walibana wuxuun buu jaanis u haystaa in uu wax ku qoro buugiisa laakiin qof na ma heli karro fursad uu wax kagga masaxo Buugiisa , maxaa yeeley Buugu wixii ku qormaa waa taariikh , taariikhduna ma baabado lamana masaxo .

Sidaa markay tahay , maanta sidda dad badan oo ila mid ah waxaan haystaa Buug cad oo nadiifa , Buugaas oo aan waxba iigu qornayn hassa yeeshee aan hubo in waayuhu buuxin doonaan oo aanu sidaa u madhnaan doonin , sidaa darteed waxaan diyaar u ahay in aan Buugaygaa nadiifta ah ilaashaddo oo aanan marna ku qorin wax aan hadhoow ka marugoodo If iyo Aakhiraba . Alle ha ina asturo .