Library Gii Hargeysa Oo Noqday (Club) Qaaliya Oo Membership Kiisu Waa $20.
W/Q: Mohamed Bashe
《 SOMALIYEEY OGAADA WAX AKHIRIGU INUU KA MACAANYEY CAANAHA GEELA , NINKII DHADHAMIYEY BAA GARANAYEE》.
Waxbarashada SOMALILAND waxay soo bilaabantay 1930 , dugsiyadii u
horeeyey amagaalooyinka Berbera, Burco, Hargeysa iyo Borame . Halgan iyo
dhibaato badan ayaa loo soo maray in Dugsi SOMALILAND laga furo.
Markiiba markaan u hanqal taagay inaan qoro maqaalkan kooban waxaan
xasuustay SHANTII HALGAMAYAAL EE WAXBARASHADA SOMALIDA KA SOO BILAABAY
SOMALILAND EE UU HOGAAMINAAYEY ALLAH HA NAXARIISTO DAMMAANTOODE:
1- MAXAMOUD AXMED CALI
2- CABDISALAM HASSAN MURSAL
3- MAXAMED SHIRE MAXAMED.
4- YUSSUF XAJI ADAN QABILLE.
5- YUSSUF ISMACIL SAMATER (GAANDI).
HALGANKII AY HALYEYADNI LA SOO GALEEN GUMAYSTIHII SI AY UGU
SANDULEEYAAN IN DUGSIYO CASRIYA LAGA FURO WADANKA IYO WADAADADII BERIGAA
OO IYANA DAGAAL KU BILAABAY SIDII AAN DUGSIYA CASRIYA LOO FURIN OO
MULCAAMADAHA UUN LAGU KOOBNAADO. AKHIRKII SHANTAA HALGAME WAY KU
GUULAYSTEEN INAY DUGSIYO KA FURAAN MAGAALOOYINKA KOR KU XUSAN.
Waxbarashadu maanta heer wacan bay maraysaa oo jaamacado iyo bulsho
dhalinyaro ah boqolaal kuna ayaa dadaal cilmi ku jira si ay dunida kale
u gaadhaan inkastay weli carqalado badani hortaagan yihiin oo QAAR
badan si fudud wax looga qaban karo hadday Dawlad tay hadday tijaartay
iyo hadday shacabtay. Waxaan madaxda SOMALILAND ku baraarujin lahaa
laga soo bilaabo MADAXWEYNAHA SOMALILAND, WASIIRKA GUDAHA, WASIIRKA
MAALIYADDA, WASIIRKA TACLIINTA IYO TIJAARTABA WAXAA JIRA GUULAHA QAAR
AAN LAGAA QAADI KARIN WAX KASTOO XUN XITAA HADDAA SAMAYSO, TUSAALE
MAXAMED SIYAAD BARRE SOMALI QAAR WAXAY KU ODHANAYAAN CADAABTUU KU JIRAA
QAARNA JACAYL AWGII WAXAY TAMANIYAAN INUU JANNADA KU JIRO, LAAKIIN
GUUSHA QUDHA EEN MAANTA SOMALIYI KA QAADI KARIN WAA AFSOOMASLIGII UU
QORAY OO FUDUDDEEYEY WAXBARASHADA.
Maanta Library ga Hargeysa
wuu dhisanyey sida Aqalka lagu
sheegay BANGIGA OODWEYNE LAAKIIN MAAHA LIBRARY ANFACA WAXBARASHADA DALKA
WAAYO INAGOO UMMAD SABOOLA AH OO MUSHAHARKA SHAQALAHA,
ASKARTA,
XAMMAALIINTA,
WADHATADA IYO SUUQ JOOG KA KOOBAN 80% inuu LIBRARY GEENU NOQDO SIDII
CLUB BAAYAC MUSHTARI OO MEMBERSHIP KIISU NOQDO $20 LABA KUN OO
SOMALILAND AH ALBAABKA LAGU GALO WAA SHAY LAGA YAQYAQSOODO, WAXAAN
XASUUSTAY CARUURTII ASKARTA SOMALILAND DHASHAY IYO KUWII WADHATADA,
XAMAALIINTA INAANAY SOO AG MARI KARIN TAASOO WELIBA UU KU YAAL MEEL AH 《
XINNIINYO-DABADOOD 》 OO AAN KU MUNAASIB AHAYN.
Arintani waa carqalad weyn oo kasoo horjeeda WAXBARASHADA reer
SOMALILAND oo aan dhiirro gelinayn wax akhriga. Wax AKHIRIGU waa
lafdharta wax barashada waxay ahayd inuu library ahaado maalintii wax
akhri laguna qabto events WAXBARASHADA TOOS ugu xidhma oo sida kediska,
wacyi gelinta suugaanta, tartanka buug akhriga, tartanka sheekooyin
qoran, shahaado sharafta dugsiyada iyo wixii la mida. Imika waa meel 15
hablood iyo shan iyo toban wiil isugu yimmaaddaan EE kama muuqato meel
rugta wax akhriga ah oo ku taal magaalo lagu sheego lix jaamacadood iyo
intaasoo DUGSIYO iyo bulsho malyuun gaadho.
Hadday xaalkan ogaan lahaayeen HALGAMAYAASHII TACLIINTU LUXUDKAY LASOO
KICI LA HAAYEEN. NIMAN KA SHEEKHYADA DIINTU WAA INAY ARINTA
WAXBARASHADA IYO XARUMAHA WAXBARASHADA WAA INAY SI JOOGTA AH INDHA UGU
HAYAAN OO KHUBADO JIMCE WADAAN OO SIDA DAYAXA IYO SATELLITE KA UGU DUL
WAREEGA WAXBARASHADA DAL MIYI IYO MAGAALO.
WAXAAN BERBERA KU SOO ARKAY TUULO DHINACA BARIGA KA XIGTA OO DAD BADAN
OO MASJID WEYN LEH OO MASJIDKU XIDHAYEY , JIMCE LA TUKADANA HADALKIISA
DAA. Masaajidu waa goobaha UGU muhiimsan in ( community) wax lagu baro.
M BASHE
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...