Fanaanada Nimco Dareen Oo Raaligelin Siisay Shacabka Hargaysa + Sababta
Hargaysa (HWN) Fanaanada Nimco Dareen ayaa raaligelin ka bixisay Hees ay dhawaan soo saartay oo ay ku amaanaysay Maayarka Caasimada Somaliland ee Hargaysa, Cabdiraxmaan Maxamuud Caydiid (Cadiraxmaann Soltelco).
Nimco Dareen ayaa si gaar ah raaligelinta usiisay Shacabka ku nool magaalada Hargaysa, iyadoo xustay inay heestii masaxday, sida ay ku sheegtay qoraal ay baahisay "Ma Qaldame Waa Illaahay ee Raalli ahaada Reer Hargeysow Ani idin Lama Nooli Mana Ogi Duruufaha Jiray Sidaa Awgeed Heestii aad Dhibsateen Hawadaa Ayaa Laga Saaray Anoo idin Tixgelinaya, Shakhsina Shacabka ayaan ka Doortay ee Nabad Ku Waara” ayay tidhi Nimco Dareen
Maayarka Magaalada Hargaysa ayay shacabka magaaladaasi ku nool intooda badani ku dhaliilaan in aanu qaba wax qabadkii caasimadu ubaahnayd, iyagoo sheegay in taa badelkeediina uu maayarku ku mashquulay dan shakhsi.
Waxaanay indhahaagu qabanayaan markaad dhex socoto magaalada Hargaysa baahida tirada badan ee ka muuqata caasimada, kuwaasi oo ay ugu darantahay waddo xumo iyo nadaafad darro
Hadhwanaagnews
Hargaysa/Office