Sharcinimadda Xukunka degdega ah .

Xukunka degdega ah , waxaa soo rogi kara Madaxwayna sidda ku xusan qodobka 92 eed ee Distoorka Somaliland , Madaxwaynuhu wuxuu xaq u leeyahay ku dhawaaqista xukunka degdega ah , waxaana soo jeedintaas ansixinaya labadda gole , sadex bilood ka dib ayaana dib loo eegayaa xaaladda degdega ah .

Saamaynta xukunka degdega ah .

Mudada uu socdo xukunka degdega ah , waxaa laggu shaqaynayaa xeerka nidaamka guud ee loo yaqaano Public Order Law , xeerkaas oo soo baxay December 1963 , kaasoo ka kooban 78 qodob .

Sharci ahaana waxa loo yaqaanaa Laalid ama ( Drogation) taasoo macnaheedu yahay in shuruucdii kale loo laalay si ku meel gaadh inta xaaladaasi socoto , mudadaasna waxa laggu shaqaynayaa oo keliya xeera xukunka degdega ah .

Mudada ay socoto xaaladaa degdega ihina , waxaa la hakiyaa shuruucda kale , waxaana laggu shaqeeyaa xeerkan nidaamka guud , sidaa darteed waxaa la xadidaa xuquuqaha bulshadda ay siinayaan xeerarkaa kale , sidda xaquuqda dhaq-dhaqaaqa , xuquuqda isu soo baxyadda , isu imaatinadda iwm.

Duruufaha keena xaalad degdega .

Xaalad degdega duruufaha keena , waxaa ka midda , Nabadgelyo darooyinka , abaaraha , cuduradda iyo duruufaha la midda oo khatar ku noqon kara amniga qaranka iyo nidaamka guud ,sidaa darteed ujeedooyinka loosoo rogaa waa la tacaalista dhibaatooyinka sababay xaaladda degdega iyo wax ka qabashadooda .