Dimuqraadiyadii Traam Doorkan Sameeyey,Uu Doonaayo Farmaajo,
Dimuqraadiyadii Traam Doorkan Sameeyey,Uu Doonaayo Farmaajo,
Bismilaahi Alraxmaan Alraxiim [A.S.C.W.R.W.B],
Tu Khaas Ahna Bahda H/W Iyo Akhristayaasheeda.
Waa La Soo Dalbadaye,U Soo Dhiga Mar Kale.
Dunido Dhan Aduunkan,
Wax Dusha Calan Saara,
Dawladuun La Yidhahdo,
Doorashooyin Sameeya,
Dimuqraadiyad Sheegta,
Doonalba U Wanaagsan,
Bahashii Iska Diidayee,
Dejiyeyaashi Sharcigu,
Daartii Ay Gelayeenba,
Duhur Werar Ku Qaaday,
Daaqadaha Uga Daataye,
Distoorkii Kala Tuuraye,
Dadna Meeshi Ku Laayeye,
Dariiqaa U Jeexay Traam,
Yaa U Diiday Farmaajo,
Daakhilku Dhigi Qaaroo,
Darna Wuu Ku Sadqayno,
Daniba Hawgu Dhawadee,
Denbina Maaha Xagiisoo,
Dimuqraadiyad Weeyee,
Nidaamkii U Danbeeyaye,
Doorkanu Keenay Traam,
Dood Haddii Ka Qabtaan,
Somalilaanta U Doonta,
Iyaba Way Dawkhsheeno,
Duruustay Ka Barteena,
Qabyalad Bay Ku Dareen,
Waase Dookh Afrikaane,
Doorashuun Ku Tilmaama.
Ismail Abdillahi Handuleh.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!