Ka dib markii ay dawlada Sucuudigu shaacisay inuu dhamaaday khilaafkii u dhaxeeyey wadamada khaliijka iyo dalka Qatara isla markaana uu wasiirka arimaha dibadu shaaciyey inay dib u bilaabayaan dhamaanba xidhiidhkii ay la lahaayeen Doha ayey muuqdaan iskaashi cusub oo ay diyaar u yihiin wadamadii sadex sanadood ka hor go’doomiyey xukuumada Qatar.

Wasiirul dawlaha arimaha dibada ee dalka imaaraadka Anwar Gargash oo warbaahinta la hadlay ayaa sheegay in dawladaha Khaliijka ee xidhiidhka u jaray Qatar ay dib u bilaabi doonaan wada shaqayntii Dohaisla markaana deg deg loo bilaabayoxidhiidhka safarka iyo ganacsiga, isaga oo xusay in dawlada imaaraadku ay raacayso jidkii Sucuudiga.

Wasiirul dawle Anwar Gargash ayaa sidoo kale sheegay in talaabooyinka dib loogu soo celinayo xidhiidhkii diblomaasiyadeed ee wadamada Khaliijku ay la lahaayeen Qatar uu qaadan doono mudo balse hada awooda la saarayo isku socodka diyaaradaha, maraakiibta iyo ganacsiga.

Sadex sanadood ka dib dawladaha Khaliijka ayaa hada go’aansaday inay dib u soo celiyaan xidhiidhadii kala duwanaa ee ay la lahaayeen wadanka Qatar oo ay go’doomin ku hayeen.