Hargaysi waa magaalo wayn oo ka midda Magaalooyinka ugu waawayn mandaqadda Geeeska Afrika , waxaanay ku jirtaa 5 Magaalo ee ugu balaadhan uguna dadka badan , qiyaasaha la sameeyayna waxay sheegayaan in ay ku nool yihiin dad ku dhaw 2 malyuun oo qof .

Sidaas oo ay tahay , Goobaha codaynta iyo Diiwaangelinta lagguma salaynin tiradda dadka magaaladda , balaadhka magaaladda iyo qiyaas kale midnaba , sababtoo ah , ilaa 2005 goobaha lagga codeeyo ama la iska diiwaan geliyo waxba laguma kordhin marka lagga reebo goobo yar oo aan ka badnayn 2 % , halka sanad walba magaaladdu korodhayso 17 %  , sidaa darteed korodhka magaalada iyo goobuhu ma wada socdaan .

Carqaladda labaad waxay tahay , magaaladda Hargaysa iyo Tuulooyinka yaryar ee boqolaalka qof iska diiwaangelinayaan in la siiyo maalmo isku mid ah , iyana laguma salaynin sabab macquula oo la qaadan karro , maxaa yeelay magaalo dadkeedu badan yahay hadana shaqaale iyo arday yahay , hadana goobuhu ku yaryihiin afar cisho waa ku cidhiidhi .

Carqaladda sadaxaad , farsamadda diiwaangelinta oo loo adeegsanayo Internet awoodiisu yartahay oo qofkiiba ku jirayo goobta muddo ku dhow 10 minute ugu yaraan , carqaladaas oo a baajisay in dad badani is diiwaangeliyaan .

Carqaladda afaraad waxay tahay , shaqaalaha oo aan lahayn tababar ku filan  , shaqadana ku badan tahay kuwaaso ku haftay shaqadii .

Intaas oo dhan oo jirta dadku wuu samrayaa , safafka ayaanu si asluuble u taagan yahay , Komishanka , Axsaabta iyo Xukuumada waxaa looga fadhiyaa in Caasimadda mudada loo kordhiyo oo ugu yaraan afar cisho oo kale laggu darro si dadku isu diiwaangeliyo  , hadii kale dad badan ayaa waayi doona xuquuqdooda codbixineed oo ah xaq lama taabtaana oo aan qofna looga qaadi karin si sharciga ka baxsan .