Hambalyo Iyo Taageero Ku Socota Aqoonyahan Ibraahin A Aw-Qoobey Oo U Sharaxan Golaha Wakiilada Gobolka Maroodi-Jeex
0
- Visits: 1089
-
- Share
Waxan Halkan Hambalyo mug iyo miisaan culus uga dirayaa Musharax Aqoonyahan Ibraahin Aadan Aw-Qoobey oo u sharaxan Golaha Wakiilada Gobolka Maroodi-jeex. Aqoonyahan Ibraahin Aadan Aw-Qoobey oo
kamida Aqoonyahanka dalka dibadiisa ku nool, ayaa waxa uu kamid yahay,
dhalinyarada fara ku-tiriska ah ee Alle hibada u siiyey karaamada iyo
sharafta hogaamiyenimada ah ee loo dhasho, isagoo isla markaana kamida
hantida gaarka ah ee Gobolka Maroodi-jeex ka sugaayo inay hiil uga
noqdaan heeryada maamul-xumo iyo musuq-maasuqa bariinsaday ee uu baday
Golaha Wakiilada mudada dheer sharci-darada iskaga fadhiyey Kuraasida
Golaha Wakiilada Somaliland.
Musharax Aqoonyahan Ibraahin Aadan Aw-Qoobey ayaa bulshadu aad ugu diiraadeen markii uu soo gaadhay warka sheegaya inuu u taaganyey doorasha soo socota ee Golaha Wakiilada Gobolka M-jeex .
Aqoonyahan Ibraahin Aadan Aw-Qoobey oo kasoo-jeeda qoys balaadhan oo guud ahaan ummadda Soomaaliyeed magac iyo maamuus kuleh, gaar ahaan bulshada reer Somaliland-na ka caan ah oo ay kasoo-jeedaan halyeeyo badan oo uu kamid yahay musharaxan Aabihii Haldoor Aadan Aw-qoobey, (AHUN) oo ahaa siyaasi rug cadaa ah oo kamid ahaa halyeeyadii miisaanka culus ku lahaa xisbigii UDUB.
Aqoonyahan Ibraahin Aadan Aw-Qoobey ayaa sidoo kalena kamida masuuliyiinta ugu saraysa ee xisbiga mucaaridka ah ee Waddani oo uu haatan ka yahay gudoomiyaha guud ee Xisbiga Waddani ee dal-weynaha Maraykan oo ah laanta ugu balaadhan ee xisbiga Waddani ku leeyahay dalka dibadiisa.
Aqoonyahan Ibraahin Aadan Aw-Qoobey, oo la-filaayo inuu dalka kusoo guryo noqdo maalinta Axada ee 13 Dec 2020 ee fooda inagu soo haysa , ayaa waxa bulshadu ka filan kartaa inuu kaalin muhiima ka ciyaari-doono xubinimadiisa Golaha Wakiilada hadii Alle qaaro oo uu ku guulaysto doorashada.
Guntii iyo gabagabadii waxan maqaalkaygan kusoo af-meerayaa Aqoonyahan Ibraahin Aadan Aw-Qoobey , Baahi weyn bay bulshada gobolka M-jeex u qabaan inuu kusoo biiro hogaankooda maamul ee Golaha Wakiilada Gobolka, waanu ku guulaysanayaa insha alaah hankiisaas iyo himiladiisaas Siyaasadeed ee uu isu soo taagay.
Allaa Mahadleh
W/Q: Cabdixakiin Rays
Hargeysa/Somaliland
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
