BISMILAAHI ALRAXMAAN ALRAXIIM.[A.S.C.W.R.W.B],

TU KHAAS AHNA BAHDA H/W IYO AKHRISTAYAASHEEDA.

1-Qayrkiis nin loo xiirow,soo qoyso adiguna.

   Qasaare iyo Guul,Wax ku qaado tanu qabo,

   Qadimayso beledu,Qoon bay dul joogtaaye,

   Qun haddaad u hurudo,Qaan weeye ku taal,

2-Qaar dooniyo,Qof diida Qudhqudhu ku liqaya,

    Qadhadhkeeda laaca,Qasab bay ku noqotaa,

    Qorshe kaan lahayn,Qunyarba la soo qaban,

    Qiila looma waayoo,Qiyaas shalay wixi dhacay.

3-Qaran waynu nahay jira,Qarin mayno tabashe,

    Qalqalooci fara baday,Qaaradani haw daraate,

    Quwadahan aduunyada,Qaybsaday asaageena,

    Qaarun maa ku biirtan,Qoys qudha kolay tahay.

4-Qoortugaalo iyo guux,Qoolaali daymada qamunyiyo,

    Qanjiidhada qardajeexa,Hadalada laysu quusinaaye,

   Qoolanyihiin mareeguhu,Qaraxeed dhawaan yahay,

   Qaylo dhaan cid loo diro,Qorshaheed ma haysaan.