Hargeysa(HWN):-Madaarka magaalada Hargeysa ayaa lagu xidhay xildhibaan Mustafe Dhuxulow oo ka tirsan baarlamaanka soomaaliya.

xildhibaan Dhuxulow oo ka mid ah musharaxiinta u tartamaya madaxtinimada soomaaliya ayey xukuumada somaliland qorshaysay inay maanta u mastaafuriso magaalada Muqdisho ee caasimada somaliya.

Waxa madaarka Hargeysa ee Cigaal airport maanta lagu xidhay Xildhibaan Mustaf Dhuxulow oo ka tirsan Baarlamaanka Soomaaliya.

Ilo xogogaala ayaa Geeska Afrika u sheegay in Mustaf Dhuxulow ay shirkad Jarmal ah oo Hargeysa degeni u soo saartay dal-ku-galka Somaliland, si uu Hargeysa shir ugaga qayb galo.

Laakiin hay’adaha ammaanka ayaa marki dambe ogaaday in qofka dal-ku-galka loo soo saaray yahay xildhibaan ka tirsan Baarlamaanka Soomaaliya, iyadoo xabsiga loo taxaabay. Mustaf ayaa saraakiisha madaarka Cigaal ee Hargeysa tusay dal-ku-galka uu sitay, kaas oo la la laalay, lana joojiyay.