Fadeexadaha Dul Hoganaya Shirkada Trafigura Ee Somaliland Heshiiska La Gashay Oo La Soo Bandhigay
Golaha Wakiilada Soo Bandhigay Fadeexada dul hoganaysa Shirkadda Trafigura, Dalbadayna in Heshiiskeeda Golaha La Horkeeno.
Golaha Wakiillada Somaliland, ayaa ka dalbaday Xukuumadda Madaxweyne Muuse Biixi in ay Golahaas horkeeno Heshiiska ay la gashay Shirkadda Trafigura, oo dhawaan lagu wareejiyey Haamaha Shidaalka ee Berbera.
Guddida joogtada ah ee Golaha Wakiillada oo warbixin u jeediyey Gole weynaha, ayaa sheegtay in Shirkadda Trafigura ay tahay mid fadeexado dul hoganayaan, iyada oo lagu eedeeyey in ay sun ku qubtay dalal afrika ku yaalla, taas oo ay sheegeen in ay sababtay dhimasho iyo waxyeelo balaadhan.
Waxaanay guddidan soo jeedisay in golaha looga yeedho Masuuliyiinta Wasaaradda Ganacsiga si ay faah faahin iyo xogba uga bixiyaan heshiiska lala galay shirkadda Trafigura.