'' Duumadii Qabiilkiyo , Maan-Dooriyaa Jirra''.
Marka xisaabta loo yaqaano Al-Jebraha la dhiganayo waxaa jira xarfo loo yaqaano Doorsoomayaal kuwaasoo loo qaato in ay matalaan xisaabaha lagga shaqaynayo , inta badan waxaa la adeegsadaa xarfaha X iyo Y .
Sidaas oo kale inaggu qabyaalad baynu u isticmaalaynaa X iyo Y , tusaale , hadii X oo u taagan xaafadaada mid ka mid ihi wax xumeeyo kama xumaanaysid , kama xanaaqaysid , kama xanuusanaysid , hadii aadba ka xumaatana kama hadlaysid lagamana yaabo in Dembi X uu sameeyey aad ka dareen celiso , waxaana kaa tagaya ama aad xayiraysaa dhamaan dareemayaasha , xiskaaga iyo caqligaga .
Dhinaca kale , Y oo ah xaafad kale hadii mid ka mid ihi wax xumeeyo waxaa si automatico ah kuugu soo noqonaya dareemayaashaadii kaa maqnaa , waxaa wax dareemaya xubnahaagii markii horre suuxsanaa , waxaana waxaana wax kala garanaya caqligaagii foorarey .
Sidaa markay tahay inteena ka xun hadalka xasan shahar ee ka aamusan xasan shaharadda kale iyo inteena ka aamusan hadalka xasan shahar ee xanuunka badani waxba isma dhaano , maxaa wacay saaxiibayaal inta mar walba qayb inaga middi koomo ku jirto ama koomo is gelinayso sidan ayuun baynu ahaan doonaa , sababta nolosheena iyo jiritaankeena burburisayna waa suntii Gaariye inoo sheegey 1997 oo qabyaalad , qabyaaladaas ayaana ah haafyuunta la ina ursiiyey ee ina suuxinaysa mar walba .
Duumadii qabiilkiyo
Maan-dooriyaa jira
Dedanaha sidayda ah
Damqashada ka bi’iyoo
Diciif loogu talo-galay.
Gaariiye daba-taxan .
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!