Digniinbu Ku Siiyaye, Ninkuu Dagay Kumuu Dilin.
TU KHAAS AHNA BAHDA H/W IYO AKHRISTAYAASHEEDA.
1-ADIGO DAGAAL GALAY,DEGDEG LOOMA GUUSTO,
DURBA LAYSMA DHIIBE,DIRIRTAW U ADKAYSTO,
DAGAAL GELIN DANBETE,DUHURKA LA GAADHAA,
HADDAY KUU DARATO,DIBU GURASHO XEELEED.
2-DOQONIIMADAA XUNE,DIBUUN SOO ROGAAL CELI,
DIGNIINBU KU SIIYAYE,NIN KU DAGAY KUMU DILIN,
DAN MOOYEE SIYAASADI,DERISIYO WALAAL MALEH,
DUNIDA WAAYAHEDIYO,DURUUS BAAD KA DHAXASH.
3-DACAR LAYSU QOOSHIYO,DABINO LAGAMA WAAYOO,
DARAAD KUU MALEEGAAD,DALAQ ODHAN ADO MOOG,
DAWDAMA IRMAANIYO,DABA DHEER MA KUGU DEGAY,
TANUU DAMACSANYU WADO,AYAA KAAGA SII DARAN.
4-DURKA UGU ROG XARASHKO,HAKA DUDIN DALKE JOOG,
DABIN HADDII LAGUU DHIGO,DELEBKANA LAGUU LULAY,
DUNTU WAYSKU XIDHAN TAHAY,XAAJADU KA DABDHEER,
DURBAAN LAYSU TUMAYO,DOORKAN WAY KA ADAGTAHAY.
5-DADKUNA MAAHA KII HORE,MIDHA DARAYGA DUUDUUB,
DEGDEG LAGU LIQSIIN JIRAY,WAA DAALACYAA SHAMIS,
DOOXANAAYA WAXA DEDAN,DAREEMAAYA XADANTADA,
HORE LOOGU DAGI JIRAY,DAWOOBO WAY KA RAYSTEEN.
ISMAIL ABDILLAHI HANDULEH.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!