"Saylac Itoobiya Mala Siin Karaa ? ''.
Magaaladda Saylac waa
magaalo taariikh iyo mudnaan ku leh umadda islaamka ah ee geeska afrika oo dhan
, waana magaaladda labaad ee ugu karaamadda badan gobolkan marka lagga tago
magaaladda Barakaysan ee Herer , sidaa darteed waa magaalo qiime wayn oo macna
wiyan ah leh marka lagga tago qiimaheeda istaraajiyadeed .
1492 ayaa ciidamo Itoobiyaana oo soo duuley qabsadeen Saylac , waxaanay ka gaysteen xasuuq baahsan , magaaladiina way gubeen maamulihii magaaladda oo la odhan jirey Sacaadadiina way dileen .
Qabsashadaas waxaa ka
bilaabmey coladdii socotay 500 ee sanadood ee xidhiidhka ah , ciidamadii
Itoobiyana waxaa Saylac lagga kiciyey 6 bilood ka dib , dagaalkii Saylac ka
bilowdayna wuxuu gaadhey guri kasta oo ku yaala inta u dhaxaysa Saylac iyo
Kasala oo ah xuduudka Ethopia iyo Sodan .
Heshiiska dhagareed
ee Farmaajo ku bixiyey dekedaha Soomaalida ee ka dhacay Baxral daar , ee aan
Baarlamaanka la horkeenin , wasiiradda la horkeenin ee kootarabaanka ah ,
haddii saylac ku jirto iyo hadii aanay ku jirin marna maaha mid soconaya ,
maxaa wacay , dadwaynaha ku nool gobolka Geeska Afrika maaha kuwo hadeer la
abuurey hassa yeeshee waa kuwo horreba isu yaqaanay oo aan xoog iyo xeelad isku
muquunin karin , doogaha taariikheed soo noolaytoodana cidna dani uguma jirto .
Soomaalidun goor ay ogaataba way ogaan doontaa sirta ku duugan heshiiskii dhagareed ee Bahral daar loogu saxeexey Abby ahmed dakahadaha Soomaalida , inkastoo dakaduhu wax qalin laggu qaado ay ka wayn yihiin .
Ahmed Nour Guruje
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!