Madaxweyne Farmaajo Oo Wali Rajo Ka Qabo Mudo Kordhin Loo Sameeyo

Visits: 1912
(Rating 0.0/5 Stars) Total Votes: 0
0 0
Share via Social Media

Madaxweyne Farmaajo Oo Wali Rajo Ka Qabo Mudo Kordhin Loo Sameeyo

Madaxweyne Farmaajo Oo Wali Rajo Ka Qabo Mudo Kordhin Loo Sameeyo

Share

Madaxweyne Farmaajo Oo Wali Rajo Ka Qabo Mudo Kordhin Loo Sameeyo

Muqdisho(HWN):-Madaxweynaha dawlada federaalka ah ee soomaaliya Maxamed Cabdilaahi Farmaajo ayaa lagu eedeeyey inuu wali rajo ka qabo muo kordhin loo sameeyo xukuumadiisa iyo labada aqal ee baarlamaanka.

gudoomiyaha xisbiga Waddajir Cabdiraxmaan Cabdishakuur oo ka mid ah musharaxiinta ku tartami doona madaxtinimada Soomaaliya ayaa sheegay in madaxweyne Farmaajo iyo dawladuba ay ilaa hada dedaal ugu jiraan sidii ay ku heli lahaayeen mudo kordhin sharciga baalmarsan.

Madaxweyne Farmaajo iyo xildhibaano ku kulmay Muqdisho

hogaamiyaha xisbiga Waddajir ayaa war uu ku baahiyey bogiisa Facebook waxa uu si adag ugu dhaliilay dawlada qorshayaal mudo kordhin ah oo ay ku hawlan tahay, isaga oo carabka ku dhuftay inaanu madaxweyne Farmaajo ogolayn doorasho ku qabsoonta wakhtigeeda oo uu ka baqanayo guul daro uu la kulmayo oo uu ogyahay.

qoraalka hogaamiyaha xisbiga Waddajir ayaana u dhignaa sidan:-

MadaxweyneFarmaajo iyo taliskiisa nabadsugidda weli kama quusan muddo kororsi, sababtoo ah wey ogyihiin in aysan doorasho xalaal ah ku guulaysan karin. Waxey doorteen waddo qalaalase abuur ah oo uu billawgeedu yahay guddi doorasho oo xubno nabadsugid iyo CBB u badan.

Waxey ku tala galeen in ay fursad walba xiisad hor leh ku abuuran, si ay Soomaali u kala doorato tooda ama in lagu kala tago. Soomaali waxey marag ka tahay in 30 sano koox kaligeed xoog keeda ah wax ku meel marsata la waayay, cid kasta oo awood is baddana, masiir xun ayaa u danbeeyey.

Villa Somalia iyo taliska nabadsugidda isbaarooyinka ay doorashada ku horgaynayaa waa kuwo is dabayaala, waase la fahamsanahay. Dalkaan doorasho malxiis iyo marag fur been ah ka socon mayso. Waqtiga iyagaa iska lumiyey, Soomaalina way ka tashan, dalkana halistooda waan ka badbaadsanaynaa Ilaaheey idinkii.