Jigjiga(HWN):-Madaxweynaha Deegaanka Soomaalida, Mustafe Cumar ayaa ka hadlay dagaalka ay dawlada federaalka Itoobiya ku qaaday maamulka Tigrey.

Madaxweyne Cagjar oo la hadlay telefishanka Aljazeera ayaa sheegay in raysal wasaare Abiy Ahmed uu dulqaad badan u muujiyey maamulka Tigrey oo qaadayey talaabooyin ka soo horjeeda dawladaa dhexe.

Madaxweyne Cagjar waxa uu shaaca ka qaaday inuu muddo badan ku taamayey in la weeraro xisbiga Tigreega ee TPLF maadaama oo ay sameeyeen khaladaad badan waxaanu yidhi:

"Dulqaadka Abiy Axmed uu horray ugu muujiyay TPLF, aniga ahaan in badan ayaan ka xanaaqsana oo aan ku dhaliilayay. Meelo badan ayaan ka sheegay in dhidibada loo siibo kooxda TPLF;haddase madax badan ayaa nagu bogaadinaya"

Madaxweyne Mustafe wuxuu intaas ku daray in ay TPLF ay xasuuq u gaysteen Soomaalida. Sidaas wuxuu u sheegey Al-Jazeera.