1-Biden waa nin u debecsan una roonajinebiga, madawga & Hispanicga!

2-Trump 4 sanno wadan Muslim ah kuma duulin, halka Obama burburiyay Suuriya & Liibiya, Bushna Ciraaq & Afghanistan.

3- Biden waa miskiin kal-kaal jecel in la gacan qabto dan-yarta, gaar ahaana in $15 qofka ugu yari saacadii qaato.

4- Trump wuxuu u roon yahay ganacsatada iyo dadka wax-soosaarka leh oo uu cashuurtii aad uga dhimay.

5- Biden wuxuu aad uga soo horjeeday figradaha xagjirka ah ee Netaniyahu kula dhaqmo Falastiin. Xiligii Obama iyo Netaniyahu aad bay col u ahaayeen oo John Kary waa kuwii ku bahdilay Talaviv.

6- Trump uma hiiliyo Faransiiska oo isu haysta inuu yahay xakameeyaha Islaamka, dhex ayuu ka yahay markay reer EUku goobtaan Erdogan illaa Liibiya, Suuriya, Giriiga & Armania! Wuxuuna taageero dadban u yahay Turkiga.

7-Biden wuxuu aaminsan yahay inaan Iran la cunno qabaytayn, oo aan layska raacin dacaayada Israel & Faashlayaasha Carbeed ee la safan.

8- Biden wuxuu difaacaa Soomaalida markuu Trump weeraro.

9- Trump wuxuu difaacaa inaan ilmaha uurka ku jirra dumarku iska soo dhicin oo ay la mid tahay naf la gooyay.

10- Biden wuxuu Madaxweyne ku xigeen ka dhigtay gabadh madaw oo magac Islaam leh Kaamila Xaaris oo ay iska dhaleen aabe Jamaykaan ah iyo hooyo Hindi ah.

11- Trump wuxuu ka soo horjeedaa ragga & Dumarka qoomu-luudka ah, wuxuuna aaminsan yahay in rag & dumur kali ahi is guursan karaan.

12- Biden maaha cunsuri, waxaana iyadoo IA iyo NH dhulka cadaanku u badan yahay dhulka lagu jiiday ayaa waxaa u hiiliyay oo soo saaray dadka madaw ee SC iyagoo ka shinsanaya inuu Obama wato oo MX u ahaa.

13- Trump wuxuu la saftay Masar khilaafka webiga Niil isagoo Ethiopia cunna qabateeyay una hanjabay.

14- Biden wuxuu difaacaa Obamacare oo uu Obama 20 malyan oo qof caafimaad ku siiyay, oo Soomaalidu ku liibaantay.

15- Trump wuxuu difaacayaa danaha Carabta la saaxiibka ah Israel.

16- Biden waxaa lagu ximaarinayaa inuu Ilhaan wasiirka Amniga ka dhigi doono (shalaybuu Trump ku duray), xuduudadana ay baliqi doonaan, wadankana 700% ay qaxoontiga soo kordhin doonnaan.

17- Trump Sunniga Muslimka ah uma darra marka laga reebbo wadamada burburay ee qaxoontiga ah.

18- Biden Turkiga hanjaabaad kulul buu ku hayaa Erdogana xiligii isaga & Obama joogeen baa saldhiga cirka USA ee Incirlik (Turkey)ee Erdogan laga inqilaabayay lug kulahaa. Cilmaaniyiinta caalamiga ahna oday buu u yahay.

19- Trump ma jecla dadka aan cadaanka ahayn

20- Biden wuxuu soo daliishaday Xadiiskii nebiga scw ee ahaa "hadaad dulmi aragto gacantaada ku suuli, hadadan awoodin carabkaaga..." Isagoo ku sharfaya wanaagii suubanaha.

20- Trump wuxuu la heshiiyay Talibaan wuxuuna aad ula diriray Daacish & Shabaab.

21- Biden wuxuu difaacaa xuquuqda Muslimiinta USA oo ay ugu horeeyaan Ilhaan & Rashiida waloowba aanay loolankii hore aanay taageerin ee ay reer Sanders ahaayeen.

22- Trump wuxuu maxkamada sare u magacaabay 3 qof oo dhaqanka & diimaha u janjeedha (Iskuulada gaarka ah ee Kiristaanka & Diimaha kale sida Islaamka & Yuhuudaba in kharashka oo dhan laga bixiyo ayuu aaminsan yahay) Iskuulada Muslimka ee kuxigeenka Trump ee Pence oo hore u ahaa gudoomiyaha gobolka Indiana waa billaa lacag Iskuulka Islaamiga ahi, halka Iskuulada Islaamka ee Minnesota ka yihiin $550 aradaygiiba bil kasta (Charter maaha waa private). Xaakimada Trump waxaa la tuhunsan yahay inay mamnuuci doonaan Roe v Wade oo Haweenka u ogolaaday inay ilmaha iska soo xaaqaan, iyo inay xarimi doonaan is-guursiga qooma-luudka.

Boowe raggani way isu-keen kala feeraariyeen ma is tidhi?

Sawaaxiligu waxay ku maahmaahaan "Dhiiggu wuu ka culus yahay biyaha". Abwaankii Soomaaliyeedna wuxuu yidhi, midab-kaaga kii neceb, muuqaaga kaan rabin, kiisana ha meel-marin! Dhaqanka waxaa ku wacan Republicanka, Tolnimadana Democratka!

Gunaanadkaygu waa Trump ima jecla anna waxaan u ololaynayaa siduu ku dhici lahaa awoowgii la gub! Laakiin illaahayoow Biden ka badbaadi Amiirul-Muuniinka Muslimka Xorta ee Erdogan!

W/Q: Axmed-Assad M. Awaare

[email protected]

Facebook: Axmed-Assad (Assad Awaare)