Muuse Biixi Oo Gabay Soo Tiriyey Xidhiidhka La Filayo Inuu Dhex Maro Yuhuudda Iyo Somaliland
1. Ictiraafku gees uu jiroba waa'ugu gelaynaaye
2. Gadaalna eegi maynoo horaa loo gundhinayaaye
3. Golden Mayer dirkeediyo annagu waa gudboon nahaye
4. Gurboodkii Hibroogaannu nahay oo la kala gooyey
5. Sidii naloo gummaadaa iyaba loogu gooddiyaye
6. Inta godolku uu taagan yahay gu'giyo xayskiisa
7. Ee aanay gaagixin durbaba waa gujinaynaaye
8. Waa is garabsanaynaa ciyoon labada geesoodba
9. Waxaan Golis mataanaynaa buurihii Golane
10. Guban iyo waxaa la isku xidhi godadkii Raabiine
11. Waxa gogosha loo fidin Yuhuud gumaradoodiiye
12. Garbo siman ayaa reerahaba gibisha loo teedin
13. Gurina waaba lagu furi kurtood gurada loo deyrey
14. Geeskhkiyo waxaa wada xadrayn Goorin iyo Kaahin
15. Gacal iyo xigaalaa la noqon Gershom iyo David
16. Giddi Banii-Israa'iil dhexdaa la isu gelayaaye
17. Gabbanna mayno oo waxaanu nahay gacal walaaloobay
18. Soomaalaay annagu goosannee gorodda laalaadi
19. Ama gaasas noo soo diriyo guuto faqashtiiya
20. Ama guuxa oo qayliyoo nagu galaayuusa
21. Waxa goor dhow aad naga sugtaan golaha weegaaran!
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!