Baqal Nin Riday Mid Kale Ma Qaadi Karto ( Abdi-Shotaly).
* N.B Adhi Daasad Kama Il-baxo.
"Lax weliba shilalka ay is dhigto baa lagu qalaaye" Wax kaste oo
ummadan ku dhaca, inaka baa isugu wacan, denbi-geedana leh. waayo waxa
askariga " Raggii ma adigaa ka hadhay ugu jirta faa'iido, ah is
nacsiin-tiina uu kolba laba beelood iska hor keenoi, waayo waa arin u
sii seeto dheeray-naysa, idin-kana la idinku kala xadaayo, oo kolba beel
hoosta la soo gasha-naayo, marka uu ka dhamaysto-na, ee uu dan-tiisa ku
gaadho-na, uu mid uu awel hore dhabarka u jeediyey, doonaayo in uu ku
dhoolo tusto, bal hadda tusaaloo-yinkan aan hoos ku qori doono ila
akhriya, adba waad yaabi doon-taaye. waxa meesha taala murtidii ahayd "
Haddii aynaan qolo ku foognayn ama dhiig faraha darin, waanaan fadhiyi
karin" Markhaati-giina waakan:-
(a) Gobolka Awdal oo uu khamistii ina dhaaftay ka soo noqday, waxa
uu foodda isu soo geliyey Samaroon, oo kuwii hore ula socday, intuu
baal ka maray, kuwii ka soo hor jeeday uu imika damcay in uu ku garaaco.
(b) Beesha Bali-gubadle, iyana laba qaybood buu u kala
fadhii-siyey, oo uu foodda isu geliyey, si wacana u rabaa in uu iskaga
hor keeno, ilayn maalin-ba meel buu ka fad kudi-yaaye.
(c) Gobolka saaxil, isna gaar buu u faquuqay, oo beelaha wadda
dega buu kolba in sinta saaraa, inta kale-na uu qaar-ba-qaar ku diraa,
inta jeer ee uu bello ka dhex qarxiyey tiro ma leh.
(d) Gobolka Gebiley, oo ahaa uh-dda uu askarigu ku dhaato, iyana
waad la socotaan halka xeel-keedu maraayo, taas oo uu qarka u saaran in
ay iyaka ka dhex qaraxdo jifo-jifo, markii uu u kala saaray mucaarid iyo
muxaafid, meel kale-ba iska daayoo, boobka uu ku qaaday xataa beesha uu
ka soo jeedo, ee uu maatadda balood-balood uga qaadayo xoog sheegasho
ah, ahna kuwa ugu badan ee uu boobka indhaha la' gebi ahaan-ba ku
qaaday, muwaadin idin-kama qarsoona( Buurta kala jeexan 600 oo qoys buu
rasaas iyo laad lagala daalay, oo debedda loo qubay, guriyihii cagaf la
geliyey, masaajidaddii dhulka lala simay.
(e) Gobolka Togdheer, waad arkay-saan waxa ka socdda, in dhinac
laga mudaaharaa-daayo, dhinacna looga sacab tumaayo, oo uu damcay in uu
dhanqan-kiisii caadiga ahaa ee " Qaybo oo xunkun" doonaayo in uu ku
maamulo. Waxay bello ka taagan tahay, oo uu hadda wadda wixiisii xilka
lahaa, hore buu colaad u dhex dhigay aan jirin H.Jeclo Iyo Garxajis,
Akhristaw markii H jeclo ogaatay in uu isku lisaayo ee ay ka baydhay,
baa iyadda oo aanay ka dhab ahayn oo hadda uu joogo Burco, uu siddii mid
naf u wadda, kuna khiyaamay-naayo Garxajiska Togdheer, uu doonayaa in
uu shaadh kale u gashado, kaas oo ah idinka baan idinku bedelayaa
H.Jeclo, iyaka oo ay gadh-wadeen ka yihiin, daaquud-yadda Ina Sulub,
Boos Mire, Ina Waran-Cade iyo qaar kaloo cad quudheedka loo tuuraa. Wuxu
ku beer-lawasanayaa been aan geed-na loogu soo gaban, oo ah " Wadadda
isku xidha " Burco-Oodweyne-Hargeisa" baan idiin dhisayaa, Taas oo
haba-yaraatee aanay wax-ba ka jirin. Waxan uga digayaa Beesha Burco
galbeed in uu yahay kii ku faanaayey askarigu " Anigoo wax dili kara,
duco qaadan-maayo" ee Geeliina ku qanqanii-naayey Oodweyne isaga iyo
geenyo-shaaximani, Wax uu idiin soo wadaa meesha ma taallo, ee iska
qabta, afarta jifo kaste uu ka wato, ee magaciina ku shaqaysta, wax ay
idin taraan daayo, wax yeello uun idiin la soo taagan iyo in ay kolba
beel isku kiin dhuf-taan,waa kuwa sare ku qorane.
Adhi daasad kama il-baxo baa la yidhiye, goor-maad baran
doon-taan? isku dhufa-shadda la idinku wado hadh iyo habeen. ee kolba
laba madaxa la isku kiin gelinaayo? Mar uun fekera ummad yahay, oo waxad
is weydiisaan. halkuu dhigay beeshii u codaysay ee H.jeclo? Muxuu u
qabtay ee la taaban karaa maanta? Maxaa iska hor keenay ee lagu kala
booday? Haduu cid wax u taraayo ama u qabanaayo, oo uu abaal leeyahay
iyo garasho hagta, saw may ahayn iyaka kuwii ka mahad sheegan lahaa? Ma
idinka ( Waa Garxajise) oo ah maah-maah-dii ahayd " Laba Bide Beerka
Iska og" buu naxariis idiin hayaa. Waxan ku soo gabga-beeyey, waa la
idinku dhoola-tusanayaa ( Show off), ee yaan shaadh kale la idiin soo
gashan, Ilaah ha u naxariisto'e, Abwaan qaasim baa laga hayaa "
Dhalan-teed xareed waw eg-yahay, dheeha-shadda guude" Waa sidaas wax aan
soconayn yaan la idinku khawaysiin, oo beentii ah uu ku rogay H.Jeclo.
Horaa loo yidhi daayeeraw qadhaab ka waran, oo uu ku jawaabay "
Tun-kayga iyo tagoogay-ga ka eege, reer walbaw-ba ku taamilo qaado
H.Jeclo ta lagu sameeyey, oo meel iskaga xidha, yaanu idiin la iman is
bihin-bihin iyo maslaxasho hoosta ka qaawan. oo yaanu mar kale kaadhka
idiinka marsan.
* N.B Adhi Daasad Kama Il-baxo.
Qore:- Abdi-Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...