Markay Kadantay Bay Alle Taqaanaa ( Abdi-Shotaly).
* N.B Nbsaa Ku Haya Hagar-daamo Gacal Hadima-diisiiye!
Somalidu waxay leedahay murti aad u fara badan, oo wax yaabo kala
duwan loo daliilsan karo, kuna fadhiya micna-yaal iyo xikmado aad u
qiimo weyn, waxa ka mid ah " Booraan hadimo ha qodin, hadaad qodana ha
dheerayn, ku dhici doon-taana mooyaane" Oo loo micna-heedu yahay, qofka
bani'aadamka u taliya hadimo, aanu ka galabsan, dhibaatadda uu geliyey
waxay u soo gaatan-taba, aakhirka xumaantii uu ka taliyey, buu nabsi
cagaha u geliyaa iyo qabtii uu dhigay. Waa sidda imika haysta Kuwii
ummadda baaxad-sooraha iyo balan-balka ku dhex tuuray, ee godobta,
is-naca, eexdda, qabyaaladda intay dhex dhigeen, weliba nin aanay isku
hubin, oo aanay aqoonin u garab gorayeeyey, qaar aan wax denbi ah ka
gelin. Ina Dhimbiil, Muamuud Xaashi iyo Qabyo-tire, Jaamac shabeel iyo
qaar kaloo badan, oo ay ka mid yihiin Saylici, Cali Mareexaan, ina Cabdi
dheere ( Lama soo koobi karo'e), Waxay ahaayeen, kuwii foodka u boobay
labadda askari " Ragii ma adigaa ka hadhay iyo geenyo shaaximan" Waa la
ogaa wixii ay samayna-yeen doorashaddii iyo dunuubtay ku talaab-sadeen.
Marna isma ay odhan, halkana sooma ay dhigan, ta maanta ay ku jiraan baa
idinku dhici doonta, waase nin liita iyo caadaddii, ee yaa yidhaaha u
adkaysta waxa aay hesheen abaal-kiine. Weli rag bay u hadhay taasi ku
sii jira, oo wax isi haysta weyn, waxa ka mid ah " Ina Cabdi-Dheere iyo
qaar kaloo weli ku sii jira qudhmiye" Waxan-se leeyahay inta goori-goor
tahay ee aan la idin gawracin, u tashadda siddii dacawaddii tidhi " Isha
Cumar ka laalaadda baan ku quus qaatay"Qayr-kiin halkuu maray waad
arkay-saane.
Somali waxa la yidhi been way sheegtaa, laakiin-se been ma
maah-maah-do, Horaa loo yidhi oo ay murtiyi u ahayd " Halkaad nin ka
qaadato, ogaw nin kale baad kaga tag-taaye" Waa cayn-kaas oo waa dhabe,
ragga sare ku qorani, Maskii ay dhabarka ku qaateen, ee ay xaq daradda
ku qariyeen, baa hadeer qaniinay, oo waa dhaawac socod bilaa dawo ah.
Xaaraantii lagu heshiiyey, boobkii lagu kacay, ee sidda cad loogu
laba-diblaystay baa ka daba yimi, imika bay giriyaad dhex-diisa cabaad
ka wadheen, oo ay siddii wadaadkii Ina Cabdalle xasan leeyihiin "
Halkaan daarood ka raacnaa" Taasi waxay ku dhacdaa nimaan aduunkan iyo
xaal-kiis ka war qabin, wayao'aragna aan ahayn, ee uu hungri iyo
saalax-wareer madaxnimo qaado, dabeed ay jar ka tuurto, sidda Ina Xaashi
iyo Qabyo-tire, Ina Dhimbiil, oo markii lagu danaystay, meeshii la
rabay lagu gaadhay, laga dhamastay, siddii guuf timiri ka dhamaatay ama
harag qudhmay debedda haadda loogu tuuray banaanka. Waxan leeyahay
Muxamuud Xaashi iyo qabyo tire, Ina dhamibiil, Idinku hadda ursadda
qudhmuunka taladdii aad ugu adeegay-seen Askariga jiho wareersan. waa
idinkaa haad iyo habaqle-ba ugu jabaye, Maxay idiin tari baroorta iyo ka
daba oygay aad weli sii yu'anay-saan, ee ah baryo xumaanta, aad kolba
geed isku toosinay-saan, waa idinkaa si xun u go'aye, Waxan gaar u
leeyahay nimankan sare ku qoran, Xikmad carbeed baa waxay ka tujuntaa,
qof abaal u galay ruux kale, oo halkuu ka sugaayey abaal-celin, uu
isagii ( waa kii abaalka u galaye) uu birta ka aslay, isaga oo ka
ducaysa-naaya in uu kaa uu balaalka u galay uu rabbi shar-kiisa ka magan
geliyo, baa waxay tidhaah-daa " Yaa Rabbi inii u-cawadak min shari
aladdii u ciinahu" oo micna-heedu yahay " Ilaahaw iga nabad geli mid aan
u sama falay sharkiisa" Ta maanta haysata Ragan waraaqaaya baa ah
sidaas.
Illaah ha u naxariisto'e Salaan Carrabay, baa wuxu ku yidhi tixddii
Haadaaqsi gabay, isaga oo u jawaabaaya Cali Dhuux (Ihun) " Nabsaa ku
haya, hagar-daamo gacal, hadima-diisiiye" Waxan leeyahay odayadda
cabaadaaya ee Mr Dhimbiil, Qabyo-tire iyo Maxamuud Xaashi, wixii aad
geysteen baa boqnaha idin jaraye yey idin-la xumaan, Nabsigu waa
daruuraha cirka iyo sidda dabay-shaase, Wax-ba ha is diid-siinina waxad
goosa-teen midhihii aad beera-teene. Horaa loo yidhi " Markay kadan
tahay bay Alle taqaanaaye" Imika bay ku waalatay Axaadiis, Quraan iyo
Madax-weyne dalka Induniisiya uu lahaan jirey baa waxaas yidhi.
su'aashuw axa weeye, Quraanka iyo Axaadiista diinga ah, hore maw
yaqaanay Ina Xaashi mase akhriyi jirey? Ma imika bay barteen intii uu
askarigu laadka kaga saaray " Xaafad-tooyadda? Ma waxyi baa ku soo degay
? Maxaa akhristaw is ka bedelay xaalkii hore iyo wixii lagu heshiiska
ahaa? Waa kuwan intii beenta, tuugadda, boobka, awoodda dawladdda u
adeegsan jirey, maamulkii ummadu u dhiibtay ee ay hadeer is cunayaane?
Waxan ku soo xidhay maqaalkan. Ninkii abeeaddda godka ku masruufi jirey,
ee ay maalintii dambe isaggii isku hor taagtay markuu is yidhi ka baxa
ee ay halkii ku cuntay. kuwana way u dhamaatay ee ha joojiyeen waraaqa
af ay ku hadlaa uma hadhine, ee talaa la gudboon iyo in ay ka dal
doorsa-daan.
* N.B Nbsaa Ku Haya Hagar-daamo Gacal Hadima-diisiiye!
Qore:- Abdi-Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...