'' La soco , Geo-politics mistake ''.
Armaniya iyo
Azerbajan waa laba wadan oo jaar ah muddo dheerna colaaddo u dhaxeeyeen ,
colaadahaas oo salka ku hayay Diin , Isir iyo dhul is huwan , maxaa yeeley
Gobolka ay isku hayaan ee Nogorno Karabakh , waxaa lagga safeeyey Islaamka
qarnigii 18aad , waagaas oo Armeeniyiinta oo taageero ka helaysa Boqortooyaddii
Ruushku la wareegeen , mar kale qarnigii 19aadDawladii cismaaaniyiinta oo ay la socdaa Azerbajaaniyiitu ayaa dhulkii
la wareegey , mar kale ayaa hadana
Armaaniyiinta oo Ruushka wataa kusoo noqdeen markii ay dhacdey dawladii
cismaaniyiintu .
Dagaal waynihii 2aad
ee Aduunku markuu dhamaadey , Azerbajan iyo Armeeniyanaba waxaa xoog kula
wareegey midowgii soofiyeeti waxaaney noqdeen laba jamhuuriyadood oo Itaxaadkii
soofiyeeti ku wada jirra , hassa yeeshee Gobolkii Nogorno karabakh waxaa la
raaciyey jamuuriyadda Azerbajan , hassa yeeshe gobolkaa waxaa ku batay oo
maamulkiisa gacanta ku hayay Armaaniyiinta .
Markii uu kala daatey midowgii soofiyeeti ee 15 Jamuuriyadood ee uu ka koobnaa mid waliba gaar keeda isu taagtay , labadan jamuuriyood waxay isku qabteen gobolkii Nogorno karabakh ee ay waligood isku hayeen , qalalaase soo taxnaa ilaa 1989 ilaaa 1994 waxaa lagu kala hagaagay 1994 markii Armaaniya oo Ruushku caawinayaa la wareegtey guud ahaan Gobolkii Nogorno karabakh .
Armaaniya waxey
saaxiib dhaw iyo xulifaba la noqotey Ruushka , heshiis gashaan-dhigeed bay la
yeelatay , saldhigyo waawayna way siisey , halka Azerbajan la saaxiibtey
Turkigga iyo Isreal .
2018 ayaa xukuumadda
Armeeniya u janjeedhsatey xagaa iyo reer galbeedka , Ruushkiina way kasii
jeesatay , Ruushka oo baryahan dambe saaxda aduunka kusoo noqdeyna waa ka
xumadey .
Markii Ruush iyo
Armaaniya kala aamin baxeen ayaa Azerbajan oo ku daaban Turkey iyo Isreal
hujuun balaadhan kusoo qaadey , dagaalki markuu kululaaday , Azerbajan waxaa is
barbar taagey Turkigga iyo Isreal laakiin Armeeniya cid taageerta way wayday .
Ugu dambayn ,
Armeniya waxay garowsatey in ay samaysay qalad Juqraafi-siyaasadeed (
Geo-politics mistake ) maxaa yeeley dawladihii waawaynaa ee Gobolka ayay ka
wayday mid qudha oo u hiilisa , reer galbeedkii ay isku halaynaysayna waxay
noqdeen kuwo aan gobolkan saamayn ku lahayn .
Si kastaba ha ahaatee , dawladaha yaryari waxay ku badbaadi karaan in ay ka taxadiraan Siyaasad-juqraafiyeedka , mar walbana ay samaystaan xulifo la isku halayn karro oo ah dawladaha waawayn ee heer gobol iyo heer caalamiba ,
W/Q: Ahmed Nour Guruje
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!